Archives quotidiennes: 17 juillet 2020

Nahazo fampitaovana avy amin’ny minisiteran’ny angovo sy ny akoran’afo hanatsarana ny ady amin’ny Covid-19 ny CRCO Analamanga. Zavadehibe amin’ny fanatanterahana ny asa anatin’ny vanim-potoana toy izao ny ny fampitaovana hoy ny Governoran’ny Faritra Analamanga, saingy ny fahatsapa-tenan’ny rehetra no handresena ny valan’aretina.

Tsy mbola misy hatreto ny valin’ ilay taratasy fangatahana ny fangaraharan’ny tsenam-baro-panjakana  sy ny famatsiam-bola enti-miady amin’izao valan’aretina izao, nalefan’ny fiarahamonim-pirenena eny anivon’ny ivon-toeram-pibaikona momba ny COVID-19. Ny fangaraharana sy ny tamberin’andraikitra no tena takian’ireo fiarahamonim-pirenena miisa 10 nanao ny fitakiana.

Nanaitra ny be sy ny maro ny fahitana firehetana teny Antaninarenina omaly alina. Nirehitra ny ivon-toerana misy ny ONE nanomboka tamin’ny 9 ora alina ary tsy voafehy ny afo raha tsy afaka adiny 3 taty aoriana. Mbola tsy fantatra mazava hatreto ny tombam-bidin’ny fahamaizana sy ny mety ho fiantraikan’izany noho ireo antotan-taratasim-panjakana maro kilan’ny afo nandritra ny fahamaizana. Manoloana izany, nametraka fitoriana ny minisiteran’ny Tontolo iainana ary natomboka avy hatrany ny fanadihadiana.

Tovolahy iray avy ao Antsirabe, mana-talenta eo amin’ny sehatry ny sary hosodoko sy nyfanamboarana guitara vita gasy no hiaraka amintsika amin’ity anio ity. Nisy ny resadresaka nataon’nympanao gaeztin’ny KoloTV ao Antsirabe niaraka taminy.

Eo am-pamaranana ireo pitsopitsony amin’izao fotoana ireo tomponandraikitra amin’ny centre handraisana ireo mararin’ny Covid-19 eny amin’ny Palais des Sports Mahamasina. Hitovy amin’ny fitaovana hampiasaina eny amin’ny hopitaly no hisy ao an-toerana raha ny fanazavana ary ahazaka marary hatramin’ny 300 isa.

Ho fanohizana ny ady atao ami’nny fiparitahan’ny valan’aretina Coronavirus. Norarahana ranom-panafody avokoa ireo fitavam-pitateram-bahoaka ao Toamasina ao nanomboka androany, hisy ny fanaraha-maso ho an’ireo izay tsy manatanteraka izany raha ny nambaran’ireo tomponandraikitra.

Tandindonin-doza amin’ny valan’aretina Covid-19 avokoa ny olona manana lalan-drà tsentsintsentsina na ny atahorana amin’ny RISQUE CARDIO VASCULAIRES. Azo sokajiana 10 mazava ny antony mahatonga izay raha ny fanazavan’ny mpitsabo nanaovana fanadihadiana ka isan’izany ny tosi-dra sy ny diabeta.