Archives mensuelles: décembre 2021

Tsy mbola misy hatreto ny fakan-kevitra ho an’ny mponina na ny cosultation publique mikasika ny tetikasa Téléphérique eto andrenivohitra saingy manomboka androany ny fanadihadiana ara-teknika tanterahin’ny Comité Technique d’Evaluation raha ny nambaran’ny tale jenralin’ny ONE. Ho fantatra amin’ny herinandro  ny fotoana hanatanterahina izany ho an’ny mponina voakasik’ity tetikasa.

Mbola mijanona ho amin’ny fandinihana ny fanatsarana ny asa fampandehanandraharaha ihany hatreto ny asan’ireo mpikambana mandafitra ny HCJ na ny Haute Cours de Justice araka ny fanazavan’ny Procureur Général androany. Atahorana ho tratry ny maty paik’andro ihany koa ny fitoriana sasany vokatry ny fahataran’ny fitsarana raha ny fanazavana hatrany.

Asa lehibe miandry ireto mpikambana vaovaon’ny CENI ireto ny famerenana indray ny fahatokisan’ny vahoaka ity Rantsana mpikirakira ny fifidianana ity hoy ny filoha lefitry ny Antenimierampirenena androany. Maro ny fanakianana nahazo ny CENI teo aloha ka ireto mpikambana vaovao ireto no takiana hanarina izany.

Tontosa androany tetsy amin’ny Fitsarana Tampony Anosy, ny fihanihanan’izy 9 mirahalahy mpikambana vaovao mandrafitra ny Vaomiera Mahaleotena misahana ny Fifidianana CENI. Amperinasa manomboka androany araka izany ireto mpikambana vaovao ireto izay hanarina ny lesoka efa nisy ary hanatsara ny fizotran’ny fifidianana ho avy eo. Hiasa mandritra ny 6 taona tsy azo avaozina ihany koa izy ireo araka ny lalàna.

Isika eto Madagasikara  no firenena  ao anatin’ireo firenena mitaky ilay  vola 100 miliara dolara isan-taona tokony alohan’ireo firenena manankarena amin’ireo firenena mahantra iharan’ny vokatry ny fiovaovan’ny toetr’andro. Hatramin’izao anefa tsy mbola azo io fanampiana io, raha toa ka nanontaniana ny Minisitra tompon’andraikitra nandritra ny diany namonjy ny fivoriana tany Glasgow Cop 26.

Fanotofana tany miisa 56 no nahazo ny fahazoan-dalàna ho an’ny taona 2021 raha toa ka 77 ny fangatahana voaray nandritra izany raha ny nambaran’ny teo anivon’ny Apipa androany. Anton’izany ny tsy fahafenohan’ny fepetra mikasika ny drafim-panajariana tamin’ireo fangatahana miisa 21 raha ny fanazavana. Hikatona amin’ny fomba ofisialy manomboka rahampitso ny vanim-potoana fanotofana tany eto andrenivohitra ho an’ny taona 2021 raha ny nambaran’ny avy eo anivon’ny APIPA.

Famaroan’ny fako any anatin’ny lakan-drano no mahatonga ny fiakaran’ny rano miopapana eto Antananarivo rehefa misy rotsak’orana. Saika tsentsina avokoa ny ankamaroan’ireo lakan-drano madinika eny amin’ny fokontany maro. Tsy mbola atahorana ankilany ahavon’ny fiakaran’ny rano amin’ireo renirano lehibe ato anatin’ny faritra Analamanga.

Hiverina amin’ny laoniny tsikelikely manomboka rahampitso ny famatsiandrano eto andrenivohitra , indrindra eo amin’ny lafiny kalitao raha ny nambaran’ny minisitry ny rano. Ny fahasimban’ny filtre teo anivon’ny tombim-pamokarana rano tetsy Mandroseza no anton’ny nahatonga ny faharatsian’ny rano tonga teny amin’ireo mpanjifa . Ankehitriny vita tanteraka ny asa fanamboarana izany raha ny fanazavana.

Tsy hisy fiantraikany amin’ny mpanjifa ny hanefan’ny JIRAMA ilay vola takian’ny banky iraisam-pirenena haverina aloa. Amin’ny vola mitentina 1million700mille dollars, ny  634mille 719dollars hatreto no ho aloa aloan’ny faha-3 ny volana desambra izao.

Horonantsary nisy nanaparitaka tamin’ny Facebook hitan’ny mpianatra tao amin’ny LTP Alarobia no nahatonga azy ireo nivoaka ny faritry ny sekoly ny maraina teo. Horonantsary efa ela saingy natao hanakorontanana ireo mpianatra hoy ny tomponandraikitry ny sekoly. Eo am-pelatanan’ny manam-pahefana ankehitriny ny raharaha.