Archives mensuelles: janvier 2023

Manome 5 andro ny fitondram-panjakana hamaliana ny fangatahany ireo ny fikamban’ny mpitatitrafiara vaventy. Hiverina hitokona izy ireo ny Alakamisy ho avy raha tsy mivaly ny fangatahana.Ankoatry ny fanamboarana ny lalam-pirenena faharoa, takian'izy ireo ihany koa ny fanamboarana nyRN4, RN6, RN, RN7, RN34.

Nazava ny hafatra nomen’ny fiangonana FJKM ho an’ireo mpitondra nifanesy sy ny mpitondra amin’izao fotoana mahakasika ny fiomanana sy ny fiatrehana ny fifidianana eto amintsika, indrindra ny resaka hala-bato. Ny hala-bato izay niteraka Krizy teto Madagasikara, raha ny tantara no jerena, ka nahatonga ny firenena hitotongana tahaka izao iainantsika ankehitriny izao.

Miaina anaty fahasahiranana noho ny faharatsian-dalana ny mponina mipetraka ao Antsiranana faha-II, indrindra amin’izao fotoam-pahavaratra izao. Isan’izany ny ao amin’ny Kaominina ambanivohitra Joffre Ville, toerana mpamokatra litchis ary mamatsy ny mponin’Antsiranana.

Tsy nisy nivaly ny fangatahana nalefan’ny SSM na ny solidarité syndicale de Madagascar tany amin’ny Filohan’ny Repoblika raha ny tatitra androany. Isany votoatin’ny taratasy nalefan’izy ireo tamin’ny filohan’ny repoblika ny fampiharana ny fampiakarana karama farany ambany, ny famahana ny olana manodidina ny fahataran’ny karaman’ny mpiasa isan-tsokajiny mivondrona anatin’ny sendika ary ny fisotron’dronono.

Mitaraina noho ny tsy fisiana ireo mponina ao Benetsy, Faritra Atsimo Andrefana amin’izao fotoana. Misy ny fanampiana ataon’ny mpitondra fanjakana hoy izy ireo saingy tsy tonga ao amin’ny faritra Atsimo Andrefana izany, ka anaovan’izy ireo antso avo.

Sarotra ny hanantena fa ho tanteraka ny fifidianana izay hirosoantsika amin’ity taona 2023 ity, hoy ny teo anivon’ny antoko UNDD, na ny Union Nationale pour la Démocratie et le Développement. Manahy mafy ny mety hisian’ny Krizy vaovao, hanamafy ny krizy efa hita soritra amin’izao fotoana ihany koa ny antoko.

Ny orana artifisialy ataon’ny fanjakana no andrandraisn’ireotantsaha mpamboly vary ao amin’ny faritra Alaotra Mangoro amin’izao. Efa misasaka hoy izy ireo ny volana janoray, nefa mbola tsy afaka miasa tanimbary izy ireo . Raha tsy misy ny vahaolana ahiana ho kely ny vokabary amin’ity taona ity raha any amin’iny faritra iny.

Simba ny fambolen’ny mponina etsy Anosizato andrefana taorian’ny fahavakisan’ny fefilohan’ny sisaony raha ny fanazavana. Ny fanamboarana ity fefiloha ity izay tsy mbola manomboka hatramin’izao, herintaona taorian’ny fahavakisany.

Manasarotra ny olana politika eto Madagasikara ny fisian’ny hala-bato, hoy ny Mpitandrina ANDRIAMAMPIANINA Zaka Hary Masy, Filoha mpanampy – Biraon’ny Mpiandraikitra Foibe FJKM, nandritry ny fanompoam-pivavahana hitondrana am-bavaka ny Filohan’ny FJKM mianakavy sy ny taom-piasana 2023, teny amin’ny Coliseum Antsonjombe androany.

Ny tantaran’ny Lac Anosy indray no ho entina aminao anatin’ity fanadihadiana manaraka ity. Ny Lac Ansoy izay isan’ny mampiavaka ny tanànan’Antananarivo ihany koa saingy vitsy no tena mahafantatra ny tantarany.