InfoKmada

Fotoana fohy taorian'ny fanambarana nataon'ny prefet de police omaly maraina, nanao fanambarana ihany koa ny minisitry ny fiarovam-pirenena mikasika ny fanakanana hiditra teny amin'ny Lapàn'ny Tanàna. Tsy manatanteraka iraka manokana mifanohatra amin'ny fiarovana ny vahoaka sy ny fananany ireo mpitandro filaminana raha ny fanambarana nataon'ny minisitry ny fiarovam-pirenena. Ankoatra ny fiarovana ny vahoaka sy fialana amin'ny mety hisian'ny korontana no anton'ny fisitahan'ny mpitandro filaminana raha ny fanazavana hatrany.

Maro ny tsy fanarahan-dalàna amin'ny fanorenana trano etsy amin'ny EPP Behoririka; araka ny fidinana teny an-toerana nataon'ny teo anivon'ny fitsarana momba ny ady atao amin'ny fanjakana, niarahana tamin'ny minisiteran'ny fanajariana ny tany, ny toeram-ponenana sy ny asa vaventy, sy ny solontenan'ny kaominina Antananarivo io maraina io. Niakatra fampanoavana androany ihany koa ity raharaha ity.

Nitondra fanazavana mahakasika ny fanambarana nataon’ny CENI momba ireo aharana kara-panondrom-pirenena mitovy laharana ny minisitry ny Atitany androany. Hiroso amin’ny fanadihadiana izy ireo raha ny fanazavana.

Le centre Karen – Caren a été inauguré hier dans la Région Vakinankaratra. Ce centre aux faits des nouvelles technologies de l’information et de la communication est le fruit de la coopération entre la région Vakinankaratra et la région Auvergne, France.

Mampametra-panontaniana ny mpanara-baovao ny fomba fihetsik’ireo Solombavambahoaka androany ny amin’ny fanemorana ny fananganana ilay kaomisionina manokana handinika ireo antontan-taratasy hanenjehana ireo olona ambony teto amin’ny firenena, izay voarohirohy tamina kolikoly sy tsy fanarahan-dalàna. Tsy fantatra mazava ny anton’ity fanapahan-kevitra noraisin’ireo maro an’isa androany ity.

Hovitaina mialohan’ny fahatongavan’ny fahavaratra ny ampahany betsaka amin’ny asa fanamboaran-dalana eto An-drenivohtra. Nidina nijery ifotony ireo fanamboaran-dalana maro ireo androany ny minisitry ny fanajariana ny tany, ny toeram-ponenana ary ny asa vaventy. Nisy ny fepetra noraisina entina handrindrana ny asa.

Mitaky ny hampiharana tsy misy atakandro ireo fanapahan-kevitra tapaka tany Sambava farany teo momban’ny fandraharahana ny vokatra vanille ireo tantsaha mpamokatra sy mpamboly vanille avy any amin’ny distrikan’i Mananara Avaratra amin’izao fotoana izao. Tokony hofoanana ihany koa ny CNV raha ny nambaran’izy ireo fa tsy mahavaha olana ho an’ny fandraharahana.