Archives mensuelles: août 2021
Fanafarana entana: nitombo 10.8% ny enim-bolana voalohan’ny taona 2021
Tsy mifandanja hatrany ny mizanam-barotr’i Madagasikara. Raha ho an’ny 6 bolana voalohan’ny taona 2021, raha ny antontanisa navoakan’ny banky foiben’I Madagasikara. Niakatra 10.8% ny fanafarana entana raha toa ka tsy nisy afa tsy 0.6% ny fitombon’ny fanondranana entana. Tranga izay namafisin’ny vokatry ny fipariahan’ny valanaretina Covid-19.
Fanatrarana ny velirano : maro ny teboka mila jeren’ny Filoha manomboka izao
Tsy maintsy hirosoana ny fanesorana ny mpikamban’ny governemanta tsy maharaka ny fanamby napetraky ny filohan’ny repoblika, hoy ny mpamakafaka politika nanaovana fanadihadiana. Ankilany, tokony ho tohanana indrindra amin’ny lafiny fampitaovana ny mpikambana maharaka ny hafangainam-pandeha, hanatanterahana ny velirano araka ny tokony ho izy.
Fiakaran’ny vidim-piainana : tsy maintsy manolotra vahaolana ny minisitera tompon’andraikitra
Ao anatin’ny 3 andro no tsy maintsy hitondra vahaolana manoloana ny fiakaran’ny vidin’ny entana amin’izao ireo tompon’andraikitra isan-tsokajiny raha ny fanabarana nataon’ny Filoha Andry RAJOELINA omaly. Nahitana fiakarany avokoa ny vidin’ny entana hampiasain’ny mponina andavan’andro.
Sidina fampodiana : 22 sy 28 Aogositra ary ny 12 sy ny 19 Septambra 2021 ho avy izao
Sidina fampodiana miisa 4 no ho apetraky ny fitondram-panjakana ho an’ireo teratany malagasy tavela any ivelany vokatry ny fipariahan’ny valanaretina Covid-19. Sidina izay ho tontosaina ny 22 sy ny 28 Aogositra izao ary ny 12 sy ny 19 Septambra. Misy kosa ny fepetra mifanaraka amin’izany.
Fikasana hamono ny Filoha : nangataka fahafahana vonjimaika ny mpisolovava
Mivoatra hatrany ny toe-draharaha mahakasika ilay fifofoana ny ain’ny Filoha sy ireo tompon’andraiki-panjakana ambony. Androany, nangataka fahafaha vonjimaika ho Paul Rafanoharana sy ny vadiny, izay mbola hiakatra Fitsarana rahampitso maraina ny mpisolovava azy ireo.
Fakàna « permis de construire » : azo atao « en ligne » manomboka izao
Azo atao manomboka izao ny fangatahana fahazahoan-dalana manorina na maka permis de construire amin’ny aterneto amin’ny alalan’ny application MATAC. Dingana iray napetraky ny minisiteran’ny fanajariana ny tany sy ny asa vaventy amin’ny alalan’ny OATF ary tafidtra amin’ny tetikasa PRODUIR io, hanafainganana ny fisitrahana sy hirosoana amin’ny fangaharahana tanteraka. Kaominina miisa 17 no nisantarana ny tetikasa.
Antoko MMM : mitaiza ny tanora ary manolotra fiofanana maro
Manomana ny ho avin’ireo tanora hitondra ny firenena any aoriana ny Antoko politika fa tsy manao fitaovana azy ireny. Anjaran’ny Antoko politika no manampy ireo tanora hanatratra ny tanjona izay kendreny. Ho an’ny antoko Malagasy Miara Miainga misitraka fiofanana eto Andrenivohitra amin’izao fotoana ireo solontenan’ ny tanora avy any amin’ny faritra maro.
FMF : andalana ny fikarakarana ny lalao hataon’ny BAREA ny 04 Septambra ho avy izao
Andalana ny fikarakarana sy ny fanomanana rehetra hahafahana mandray ny fifanintsanana Coupe du Monde, hihaonan’ny Barean’i Madagasikara sy i Benin izay hatao eto amintsika ny faha 04 ny volana Septambra ho avy izao. Hivoaka ny ho ela ihany koa ny lisitr’ireo mpilalao handrafitra ny ekipam-pirenena hoy ny eo anivon’ny Federasiona.