Archives mensuelles: avril 2019

Mivoaka tsikelikely ny fifanarahana ambadika nataon’ny kominina Antananarivo renivohitra tamin’ireo mpivarotra manamorona ny trottroir eo an-dohan’Analakely izay tafiditra anatin’ny trano vy na box mena ankehitriny. Raha toa ka efa nifanaraka izy ireo teo aloha, tadiavin’ny kominina esorina avokoa ireo mpivarotra ireo ankehitriny. Ireto farany izay mitsipaka io fanapahan-kevitra io.

Vonona hifanome tanana amin'ny fitondram-panjakana malagasy ireo diaspora malagasy any Senegal. Izay no isany nivoitra nandritra ny fihaonan'izy ireo sy ny filohan'ny repoblika Andry Rajoelina tany an-toperana ny Alarobia teo. Maro amin'ireo diaspora no miasa amin'ny sampan-draharaha iraisam-pirenena sy ireo Fikambanana iraisam-pirenena.

Miankina betsaka amin’ny fihaonan’ny ministera miaraka amin’ireo mpisehatra mivantana amin’ny mpikirakira sy mpandraharaha eo amin’ny sehatry ny serasera ny fanitsiana ny lalàna mifehy izany. Mizotra miandalana ny famolavolana izany raha ny nambaran’ny tale jenerlain’ny serasera.

3 volana voalohan’ny taona. Tsy mbola mari-toerana ny Ariary. Ankoatry ny fampiroboroboana ny sehatry ny fizahantany entina mampiditra vola vahiny betsaka eto amintsika, ilaina ihany koa raha ny fanazavan’ny mpahay toekarena ny fampitomboana ny tahan’ny fanondranana entana makany ivelany.

Arivo andro katroka amin'ity androany ity no nandaniana ny lalàna mifehy ny serasera laharana 2016-029 izay niteraka resabe sy hetsi-panoherana maro manerana ny nosy. Eo am-pamomlavolana ny paikady haroso hanitsiana izany ny fitondrana ankehitriny.

Nomarihina tamin'ity androany ity ny faha-59 taona nahazoan'i Sénégal ny fahaleovantena. Nahazo fanasana manokana avy amin'ny filoha Macky Sall hanatrika izany ny filohan'ny repoblika Andry RAJOELINA mivady.

Mitohy ny fanafangaroan'ny filoha teo aloha Marc Ravalomanana ny fiarovana ny tombotsoa manokana sy ny raharaham-panjakana. Ny mikasika ny tany misy ny village voara Andohotapenaka indray no hisehoan'izay ankehitriny. Hita taratra ny fiarovan'ny eo anivon'ny kaominina Antananarivo tombotsoa an'olom-bitsy araka ny fanadihadiana.

Mitombo ny tahan’ny malagasy AUTISTE tao anatin’ny 5 taona. Mbola tsy misy fitiliana sy fitsaboana izany manokana hetreto. Ny fanamafisana ny fandraisana an-tanana azy ireo no hanamaivana ny fitsaboana raha ny fanazavana, nandritra ny herinadro ho fanentanana ny ady amin’ny Autisme eto Madagasikara.

Miisa 39 ireo nahazo onitra avy amin'ny minisiteran'ny fanajariana ny tany sy ny toeram-ponenanana ary ny asa vaventy hatreto manoloana ny fanamboaran-dalana "rocade antsinanana" . Ny lafiny antonta-taratasy raha ny fanazavana no manano-sarotra amin'ny fandoavana izany. Miroso hatrany ankilany ny asa eny an-toerana.

Sazy miatra 12 volana an-tranomaizina. Izay no vokatry ny didy nivoaka taorian’ny fotoam-pitsarana an’i Pety RAKOTONIAINA. Fanohitohinana ny fiandrianam-pirenena, fikasana hanangana fanjakana ao anatin’ny fanjakana no niampangana azy.