Archives mensuelles: avril 2019

Niakatra 27,1 % ny fitarainana voaray momba ny trangana fanolanana teto Antananarivo sy ny manodidinana tao anatin’ny 8 taona. Ankoatran’ny fanolanana ataon’ny mpiray vodirindrina sy ny sakaizany, isan'ny nahazoana fitarainana maro ihany koa ny fanolanana ataon’ny olom-pady.

Mbola mitohy ny fanondranana an-tsokosoko ny Andramena eto amintsika amin'izao fotoana izao. Bolabola miisa 93 tao anaty Camion no sarona tany Anjazafotsy Betafo ny alatsinainy lasa teo. Ankilan'izay, minisitra iray teo amin'ny fitondrana teo aloha no voatonontonona sy voarohirohy amin'ny fanondranana an-tsokosoko Andramena.

Niverina amin'ny laoniny ny asa rehetra eny anivon'ny sampandraharahan'ny fananantany sy ny fandrefesantany ankehitriny, izay no nambaran’izy ireo androany. Nanamafy ireto farany fa miroso hatrany amin'ny fijerevana vahaolana iarahana amin'ny tompon'andraikitra.

Nanaraka ny fivoaran’ny fifanarahan’ny malagasy tamin’ny vahiny ny fivoaran’ny fomba fiakanjo . Izay raha ny fanazavan’ny mpandalina ny tantara malagasy. Raha toa ka nisy dikany avokoa ny fomba fiakanjo , na ny lamba niakanjona teo aloha, amin’izao kosa raha ny fanazavana, niova tanteraka iay fomba izay.

Androany faha-10 aprily 2019 maraina tamin’ny 10 ora sy sasany vao vita sonia ny fifanaovan-tsonia teo amin’ny fanjakana Malagasy sy ny fitondrana Sinoa teny amin’ny Lapan’Iavoloha, amin’ny famatsiam-bola ny fanamboarana ny lalàna RN 5A mampitohy an’Ambilobe amin’i Vohémar. Lalàna izay efa nampikaikaika ny mponina any amin’ny Faritra SAVA sy DIANA ampolon-taonany maro.

Nanaitra sy nampametraka fanontaniana ireo olona hikarakara taratasy tao amin’ny biraon’ny Domaines ao Ambohidratrimo androany ny fitokonana tampoka nataon’ireo mpiasa tao ka nahatonga azy ireo niverim-potsiny sy lany fotoana. Raha ny fanambarana navoakan’ireo sendikalista tamin’ny faran’ny herinandro anefa dia ny faha-10 aprily ho avy izao izy ireo no hitokona raha tsy mivaly ny fitakian’izy ireo.

Fitaovana famatsiana rano aman- jatony no alefa any amin ny faritra atsimo, amin'ny alalan'ny fiaraha-miasan'ny Unicef sy ny fanjakana Malagasy. Tanjona ny hanamorana ny fisitrahana rano fisotro madio any an-toerana. Androany no natolotra tamin'ny fomba ofisialy teny amin'ny seranantsambon i Toamasina izany.

Isan’ireo firenena aty Afrika misandratra ara-pampandrosoana tao anatin’ny fotoana fohy i Sénégal. Ny taona 2012 no nanombohan’ny Governemanta Sénégalais sy ireo mpiara-miombon’antoka aminy nanatanteraka ny PSE na ny Plan Sénégalais Emergent. Ny 3P na ny Partenariat Public-Privé no nanatontosany izany. Efa miditra amin’ny andiany faha-2 amin’ity PSE ity i Sénégalais ankehitriny.

Hivaha ao anatin'ny 2 volana farafahatara ny olana fahatapahan-drano, hoy ny Praiminisitra Ntsay Christian. Ho raisin'ny fanjakana an-tanana ny fanafainganana ny famahana ny olana izay mampikaikaika ny vahoaka tato ho ato eto Antananarivo sy ny manodidina. Olana hatramin'izay, hoy hatrany izy ny tsy fisian'ny famatsiam-bola efa ho 15 taona ho fanatsarana ny famatsaian-drano eto an-drenivohitra.

Nanatitra ny Kaontiny nandritra ny fifidianana farany teo, teny amin'ny Cour des Comptes Ambohidahy, ny solotenan'ny Kandida Andry RAJOELINA izay lany ho filoham-pirenena. Tsy misy ny sazy voafaritry ny lalàna ho an'izay tsy manatanteraka izany raha ny fanazavana, saingy entanina hatrany ireo izay tsy nanatanteraka izany hamita ny adidiny.