Archives annuelles: 2019

Olona 4 no namoy ny ainy ary 8 hafa naratra mafy vokatry ny fihotsahan'ny tany teny Ambaninampamarinana ny maraina teo. Tonga nijery sy namangy ireo traboina ireo mpikambana eo anivon'ny governemanta. Tsy maintsy ho raisina ny fepetra ary hafindra avokoa ireo mponina amin'ireo faritra tandindomin-doza rehetra tsy hiverenan'ny tranga tahaka izao intsony.

Tsy eken’ny vahoaka ao Ivato raha ny fanehoankevitr’izy ireo ny fanoloana ny sefo fokontany 7 amin’ireo fokontany 8 mandrafitra ny kaominina. Kajikajy amin’ny fiatrehana ny fifidianana manaraka no andraisan’ireo voakasika ny fanalana azy ireo. Takian’ny vahoaka ankilany ny hanatanterahana ny fifidianana filohampokontany izay tomponandriakitra boalohany amin’ny fampandrosoana ifotony.

Ministeran'ny fanabeazam-pirenena : tsy ekena intsony ny kinanamanana sy ny kolikoly Nisokatra tamin'ny fomba ofisialy ny fizarana ny fanomezana ara-bola avy amin'ny fitondram-panjakana ho ann'y sekoly tsy miankina amin'ny fanjakana ho ann'y taom-pianarana 2018. Tsy ekena intsony ny fanaovana kolikoly sy ny kinamanamana eo amin'ny sehatry ny fampianaratra manomboka izao hoy ny minisitry ny fanabeazam-pirenena nandritra izany.

Maro no mitaraina noho ny kalitaon’ny rano avy amin’ny orinasa jirama amin’izao vanim-potoan’ny orana izao. Raha efa lasa fahazarana nandritra ny taona maro ny mahazo rano manopy mavo ary miandry izany hitsiaka vao ampiasaina, ankehitriny ahiana hiantraika amin’ny fahasalamam-bahoaka izany raha ny zava-misy eny amin’ny faritra maro eto Antananarivo indrindra ny eny amin’ny faritra iva.

Ambetiten'ny filohampirenena ny hoe asa ary asa avy hatrany. Voaporofo izany nandritra ny fitsidiham-paritra voalohany nataony tany amin'ny faritra atsimon'ny nosy. Fitsidihana voalohany izay namerina indray ny fanantenan'ny vahoaka Malagasy liana sy mangetaheta fampandrosoana.

Nidina ifotony teny anivon'ny fokontany, nanentanana ny olona hanamarina ny anarany sy hanoratra ny anarany ao anaty lisi-pifidianana amin'izao ankatokin'ny fanavaozana ny lisi-pifidianana izao ny mpikambana eo anivon'ny antoko Malagasy Miara-Miainga ao amin'ny boriborintany fahatelo androany. Ny antoko politika izay manana adidy ihany koa amin'ny fanentanana ny olompirenena amin'ny zotram-pifidianana.

Voarafitra anatin'ny fandaharan'asa ao amin' ny politikampanjakana ankapobeny ny fanatanterahana ireo vina entina hampandrosoana an'i Madagasikara. Entina aminao anatin’ity fanadihadiana ity ireo teboka mivoitra anatin’ny velirano ampanantenain’ny filoha ho tanterahana.

Notanana vonjimaika eny amin'ny fonjan'Antanimora i Hugues RATSIFERANA sy ny namany iray, Tantely izay voarohirohy tamin'ny famoahana ny fitaovam-panjakana tao amin'ny birao teny Ambohitsirohitra ny 27 janoary lasa teo. Izay no fanapahana navoakan'ny fampanoavana tetsy amin'ny lapan'ny fitsarana Anosy tamin'ity androany ity.

Nampiantso ireo orinasa mpanao lalana eto Antananarivo renivohitra sy ny manodidina ny minisitry ny Fanajariana ny tany sy ny asa vaventy. Tsy maintsy mandray ny asany ireo orinasa rehetra nahazo ny tsena misy Garantie raha misy fahasimbana. Hisy ny fandraisana andraikitra amin'ny tsy fanatanterahana izany.

Naverina ho an'ny fanjakana ireo fiaran'ny ministeran'ny asa vaventy rehefa nobodon'ny fianakavian'ny filoha teo aloha Rajaonarimampianina an-taona maro sy nampiasainy tamin'ny tombotsoa manokana. Tsy ekena ny fampiasana ny fitaovam-panjakana amin'ny tsy rariny, antony nandraisan'ny ministeran'ny fanajariana ny tany sy ny asa vaventy ny andraikiny.