Archives quotidiennes: 30 mars 2020

Mafy ny ady sy ny zava-nanjo ny Malagasy nandritra ny tolom-panafahana tamin’ny 29 Martsa 1947 hoy i RAHALA Joséphine 110 taona , monina ao Ambatondrazaka, isan’ireo niaina ity vanim-potoana ity. Ny mahakasika izany no arahinao ao anatin’ity fanadihadiana manaraka ity. 

Ny  fomba famonoana ny otrik’aretina eny amin’ny rivotra indray no entina aminao ato anatin’ny fampahalalam-baovao androany, tafiditra hatrany ao anatin’ny fisorohana ny fiparitahan’ny valan’aretina Coronavirus. Araho ary ny antsipirihan’izay.

Tahaka ny amin’ny faritra maro manerana ny Nosy, efa tonga any Antsiranana ihany koa ireo fanafody hanamafisana ny fisorohana ny fiparitahan’ny Coronavirus. Samy nandray izay tandrify azy avokoa ireo tomponandriakitra rehetra any an-toerana ary nohamafisina ny fandraisana fepetra.

Mitohy hatrany ny asa sahanin’ny  Centre operationnel ao Vakinankaratra. Miisa 30 ireo olona arahi-maso akaiky ny fahasalamany mandritra ny 14 andro . Tsy mbola misy hatreto ny olona voan’ny valan’aretina ao Vakinankaratra.

Feno 73 taona androany ny fahatsiarovana ny tolom-panavotana nataon’ny Malagasy ny taona 1947. Manoloana ny fisian’ny valan’aretina Coronavirus, natao tsotra nefa mendrika ny fahatsiarovana tamin’ireo toerana tokony hanatanterahana izany.