Archives mensuelles: juillet 2020

Maherin’ny 200 ny mpitsabo tsy miankina handray an-tanana ny fitsaboana ny Covid-19 ho an’ny faritra Analamanga. Tsy tokony hivoana amin’ny fomba fitsaboana na ny Protocole de Soins napetraky ny minisiteran’ny fahasalamana ny fiasan’izy ireo, hoy ny Holafitry ny mpitsabo androany. Efa mandeha ny fitsinjarana ny fampitaovana avy amin’ny UNICEF omena ny mpitsabo tsy miankina, ao anatin’izay fitsaboana ny Covid-19 izay. 

Hiainga avy amin’ireo sefo fokontany sy ireo lehiben’ny boriborin-tany ny fanaraha-maso ny fampiharana ireo fepetra rehetra amin’ny ady atao amin’ny fiparitahan’ny valan’aretina Coronavirus ao Toamasina manomboka izao. Nisy ny lamina sy ny toromarika maro samihafa nomena azy ireo androany manolona izany.

Manodidina ny 50 isan’andro ny fanambarana fahafatesana tonga eny anivon’ny BMH nanomboka ny voalohan’ny volana jona. Raha 10 tamin’izany no voamarina fa matin’ny valan’aretina hatreto. Azo alevina ampasan-drazana ny matin’ny Covid-19 saingy misy ny fepetra takiana amin’ny fandevenana na izany ho an’ny razana na ny fianakaviana.

Efa feno Hôpitaly Miaramila eo Soavinandriana ka miisa 29  ireo olona  mararin’ ny Coronavirus  maneho “forme grave”  raisina an-tanana ao. Mpaimapim-poana avokoa ny  fitsabona sy ny  fanafody hoy ireo mpitsabo ankoatr’ izay tsy misy ao an-toerana.

Mikatona tanteraka ny fitateram-bahoaka mampifandray an’i Mahajanga amin’ireo distrika manodidina rehetra maniomboka ny andron’ny rahampitso Alakamasiy araka ny fanapahan-kevitry ny CRCO Boeny. Ferana amin’ny 1 ora tolakandro kosa ny fisokafan’ny toeram-pivarotana rehetra ho fisorohana ny ady atao amin’ny fiparitahan’ny valan’aretina Coronavirus izay nahazo laka any Mahajanga amin’ijzao fotoana izao.

Mifarana hatreo ny fiaraha-miombon’antoky ny kaompaniam-pitaterana Air Madagascar sy ny Air Austral.  Hiverina manontolo amin’ny  orinasa CNAPS sy ny fanjakana Malagasy ny fitantanana an’i Air Madagascar izay . 

Saron’ny  Zandaramarim-pirenena avy eo anivon’ny brigade Andranomadio tao  Antsirabe  ireo olona 03 mpisoloky  milaza fa mahavita  manamboatra vola tena izy.

Tsy hanamora ny fiatrehana ny Covid-19 ny drafitra marolafy na ny Plan Multisectorielle d’Urgence ho entin’ny fanjakana ho an’ny mpisehatra amin’ny Fizahantany, hoy ny Confédération du Tourisme de Madagascar. Raha ny 99 % n’ny mpiasa amin’ny fizahantany no efa very asa vokatry ny Covid-19 ankehitriny, 10 % n’ny mpiasa no voalaza fa hisitraka ny fanampiana raha ny voarakitra anatin’ny drafitra marolafy.  

Namoaka didimpanjakana ny prefektiora ao Toamasina omaly, nampitsahatra amin’ny fomba ôfisialy ny “quarantaine” ao amin’ny Ozinina Ambatovy. Mizotra miandalana ny fialana amin’ny fihibohana ao an-toerana izay efa nanomboka omaly ihany ary vinavinaina hotanterahina ao anatin’ny 7 herinandro ny dingana rehetra. 

Mitaraina ireo mponina ao amin’ny tanànan’Ambatondrazaka ankehitriny vokatry ny tsy fisihan’ny fahandriam-pahelamana any an-toerana. Mifanesy ary matetim-piseho ny fanafihana mitambasy any amin’izy ireo ary miafara amin’ny famonoana olona matetika izany.