Archives mensuelles: mars 2021

Tafapetraka ao Antsahan’ny bingo Mahanjanga ankehitriny ny «  unité de transformation de poisson » natolotry ny vadin’ny filoham-pirenena ho an’ny fikambanan’ny mpanjono mivoatra any an-toerana. Tanjona amin’izany ny fampiroboroboana sy ny fampandrosoana ny asa viveloman’ireo vehivavy any an-toerana.

Olona 28 amin’ny mponina 1 hetsy no maty eto Madagasikara vokatry ny lozam-pifamoivoizana. Ny tsy fitovian’ny fampitana ny fampianarana eny amin’ireo auto école no mamaritra ny ampahany betsaka amin’ny anton’ny lozam-pifamoivoizana eto amintsika. Nisy io maraina io atrikasa nentina namaranana sy nandaniana ny paikady nasionaly momba ny arolozan’ny fifamoivoizana ao anatin’ny 10 taona eto Madagasikara.

Tsy nomen’ny fiangonana Katolika hanaovana hetsika isan-tokony ny kianja eny Soamandrakizay. Ankoatran’ny maha fananan’ny fiangonana madiodio ny toerana, maro ny fotodrafitrasa sy ny orinasan’ny diosezin’Antananarivo eny Soamandrakizay ka antony handavana ny fikasana.

Hanomboka amin’ity herinandro ity famindrana ireo mpivarotra etsy  amin’ny Coum 67 Ha manoloana ny fanamboarana ny tsena tanterahin’ny kaominin’Antananarivo. Nisy ny fifampiresahina teo amin’ireo mpivarotra sy ny tomponandraikitra mikasika ny fandaminana amin’ny fanatanterahina izany.

Tsy  namaly ny antso amin’ny fampiroboroboana ny fizahantany anatiny ny malagasy. Tsy nanonitra ny fatiantoka nateraky ny fidin’ny sisintany izany  arak’izany ny fizahantany anatiny raha ny fanadihadiana natao. Mitaky hatrany ny fanokafana ny sisintany, ny mpisehatra eo amin’ny tontolon’ny fizahantany ary milaza ho vonona amin’ny fanarahana ny fepetra ara-pahasalamana rehetra.

Mandeha araky ny tokony ho izy amin’izao fotoana izao ny dingana rehetra amin’ny andrana clinique ny CVO+ gélule atao hanasitranana ny Covid-19. Efa maro ireo nanolo-tena hanaovana ny handrana raha ny fanazavana. Tsy mbola amidy eny an-tsena ny CVO+ curatif fa aorian’ny fahavitan’ny essaie clinique no hanapahana hevitra ny mikasika izay.

Mitohy ny fanohanan’ny fanjakana Frantsay ny mpianatra Malagasy. Ankoatran’ny fanatsarana ny fampianarana amin’ny ankapobeny, tetikasa hanamorana ny fidirana eo amin’ny tsenan’ny asa indray androany no nanaovan’ny minisiteran’ny fanabezam-pirenena, ny masoivoho Frantsay sy ny ACCESMAD fifanaovantsoniam-piarahamiasa.

Ny alakamisy izao no ho fantatra na hahazo alalana na tsia ny hetsika fanaovana tatitra kasain’ireo Solombavambahoaka avy amin’ny antoko mpanohitra eny amin’ny kianjan’i Soamandrakizay raha ny fanazavana avy amin’ny prefektioran’Antananarivo androany. Ankilany, tokony hanaja ny mpitondra ireo mpanohitra ary hahay hiandry ny fahataperan’ny fotoam-piasana ka hiandy fifidianana fa tsy vaha olana ny fanonganam-panjakana hoy ny KMF CNOE.

Manoloana ny toe-draharaha politika lalovan’ny firenena, manambana indray ny fipoahan’ny Krizy ara-politika sy sosialy eto Madagasikara. Izay no nisongadin’ny CFM na ny Conseil du Fampihavanana Malagasy androany nandritra ny fanokafana ny fivoriana ara-potoana voalohany. Tsy mbola nahitam-bokany ankilany ny fanelanelanana na ny fampihavanana entin’izy ireo hamahana ny olana.

Taorian’ny disadisa nisy teo anivon’ny Oniversité an’i Toamasina herinandro lasa izay, mbola mikatso tanteraka ny fampianarana any an-toerana amin’izao fotoana izao. Miandrandra ny hiverenan’ny fampianarana ireo mpianatra sasany.