Archives mensuelles: juin 2021

Miroso ny fametrahana ny fitsinjaram-pahefana sy ny fanjakana manakaiky vahoaka eto Madagasikara. Izay no azo itarafana ny fankatoavan’ny filankevitry ny minisitra ny volavolan-dalàna mahakasika ny fametrahana ny faritra faha-23. Tokony anaty fifampiresahana hatrany ankilany ny firosoana amin’izay, hoy ny solombavambahoaka no sady mpahay lalàna nanaovana fanadihadiana.

Mitohy ny fandripahana iroe hazo sarobidy toy ny palissandr ao amin’ny distrikan’Ambatondrazaka. Toa mitazam-potsiny ihany koa ireo tomponandraikitra mijry izany mihazo an’Antananarivo sy Toamasina na eo aza ny fandikan-dalàna.

Mitohy hatrany ny disadisa eo amin’ny fiangonana Jesosy Mamonjy, ary niha-nioatra izany amin’izao fotoana hiverenan’ny fisokafan’ny fiangonana izao indray. Mijabaka amin’ny Raharaham-piangonana ary mikasa hampiditra Politika ao anatiny ny solombavambahoaka Naivo Raholdina, hoy ny andaniny. Namaly kosa ity farany fa fandaminana no natao amin’ny maha mpino azy. Mihenjan-droa ny tady ankehitriny.

Notontosaina androany ny fanokanana ny kianja manara-penitra teny Ambohidratrimo. Fanokanana izay niarahana tamin'ny filohan'ny Repoblikan'i Madagasikara sy ireo olo manan-kaja isan-tsokajiny. Ny kianja manarapenitra eny Ambohidratrimo izay hanantontosain'ny ekipa nasionaly Barea ny fampivondronana azy ireo ankehitriny.

Tsy manakana ny fampandrosoana an'i Madagasikara ny tsy fitoviana firehana ara-politika. Porofon'izany ny fitsidihin'ny filohan'ny Repoblika ny kaominina Ivato. Notolorana fitaovana vaovao ahafahana mandroaka fako ny kaominina androany. Nandritr'izany ihany koa no nilazan'ny filoha ny hananganana kianja manarapenitra sy gymnase ao amin'ny kaominina Ivato.

Niroso tamin’ny fanaovam-baksiny ireo mpiasa ny trano fanfdraisam-bahiny maro eto Antananarivo renivohitra androany. Ankoatra ny lafiny fahasalamana, dingana iray ahafahana miditra tsikelikely amin’ny famelomana indray ny toekarena izao notontosaina izao raha ny fanazavana.

Ambany ny tahan’ny fanaovam-baksiny eny anivon’ny kaominina Ambanivohitra. Latsaky ny 7 % izany ho an’ny kaominina Fiaferana sy Ambohijanaka nanaovana fanadihadiana. Ankoatran’ny tsy fahampian’ny fanentanana, mitoetra ny ahiahin’ny mponina amin’ny mety ho voka-dratsy ateraky ny vaksiny amin’ny fahasalamana.

Efa vonona 100% amin’ny fandraisana sidina ny seranampiaramanidina vaovao Ravinala Airports etsy Ivato. Ny fisokafan’ny lanitr’i Madagasikara raha ny fanazavana no andrasana sisa. Nisy io maraina io ny fampisehoana ny tao anatin’ny seranampiaramanidina niarahana tamin’ny mpanao gazety.

Misedra olana tanteraka ny mpampanofa trano amin’izao fotoana izao. Betsaka ny olona no mitsoaka hofan-trano ka voatery izy ireo mameno ny vidin’jiro na dia efa tsy misitraka hofan-trano aza. Antony raha ny fanadihadiana natao,  maro  ireo no very asa noho ny valan’aretina ka tsy misy fidiram-bola intsony.