Archives annuelles: 2022

Tsy nihemotra tamin’ny fampiakarana ny saran-dalana ho 900 Ariary ny koperativam-pitaterana mampitohy an’andrenivohitra sy Ambohitrimanjaka na teo aza ny dinika niarahana tamin’ny fiadidiana ny tanàna sy ny solontenan’ny mpanjifa. Tsy ara-drariny ny fampiakara hoy ireto farany izay nanamafy ny tokony hijerena ny marimaritra iraisana ho fitsinjovana ny vahoaka hatrany.

Mitaky ny hampiakarana ny vatsim-pianarana na ny « Bourse» ho 100% ankehitriny ny fikambana’ireo mpianatra avy amin’ny faritra-23 eny anivon’ny oniversite an’Antananarivo raha ny fanambarana nataon’izy ireo androany. Anton’izany ny fihatraikan’ny fikaran’ny vidim-piainana raha ny nambaran’izy ireo. Manome herinandro ny tomponandraikitra hijery vahaolana manoloana izany izy ireo, eo ihany koa ny mikasika ny trano fonenana natokana ho an’ny mpinatra eny Ambatomaro.

Nandiso ny tenin’ny minisitry ny fitaterana Rolland Ranjatoelina ny mpitondra tenin’i Comores tamin’ny alalan’ny interview nataony ny 23 jolay lasa teo. Nomelohin’ny mpitondra tenin’ny governemanta Komoriana ny filazan’ny minisitry ny fitaterana Malagasy tamin’ny RFI fa ao anatin’ny Ligne rouge i Comores amin’izao fotoana io. Namafisin’ity mpitondra teny ity hatrany fa tsy mbola nisy hatramin’izao ny taratasy fangatahana nataon’ny fanjakana Malagasy mikasika ny fampodiana ilay volamena tratra tany Comores.

Tsy nandray karama feno efa ho 02 tao izao ireo mpiasan’ny sofitrans raha ny nambaran’ireo sendikan’ny mpiasa androany. Akoatra ny tsy fandrotsahina ny latsakemboka ara-tsosialy arakin’ny tokony ho izy, maro ireo zo fototrin’ny mpiasa izay tsy voahaja nanomboka tamin’ny taona 2020 raha ny fitarainana nolazain’ireo mpiasa tamin’ny mpanao gazety androany.

Tsy mazava ny didim-panjakana fampiarana ny fampiakarana karama izay nivoaka tamin’ny 21 jolay lasa teo raha ny nambaran’ny filoha ny SSM. Tsy voafaritra mazava ao amin’ity didim-panjakana ity hoy izy ny fampiakara-karama 9,9% ho an’ireo orinasa tsy miankina sy ny fampiakara-karama 25% ho an’ireo mpiasam-panjakana.

Roa taona aty aoriana, Orinasa mpikojakoja sy mpanao lalana miisa 200 no mbola tsy nahazo ny volany. Araka izany niverina nanao hetsika fitakiana teo anoloan’ny Minisiteran’ny Asa vaventy izy ireo androany, ary mangataka ny Filohan’ny Repoblikan’i Madagasikara hanao sonia ny taratasy famoahana ny volan’izy ireo. Ny mahatonga ny antotan-taratasy ho eny amin’ny Fiadidiana ny Repoblika izay mbola mampametra-panontaniana ihany koa raha ny fitarainana voaray.

Miantso ny fitondram-panjakana hanana finiavana ara-politika hanarina sy handray andraikitra ao anatin’ny fotoana fohy ny Sendikan’ny mpiasa eto Madagasikara eo anivon’ny orinasa JIRAMA. Ahiana ny hisian’ny korontana sy ny fipoahana ara-tsosialy hoy izy ireo, izay nanamafy fa tsy ny mpiara-miasa na ny olombelona no fototry ny olana eo anivon’ny orinasa JIRAMA.

Tsy hijanona hatreo fa mbola hiakatra ny zoma ho avy izao ny saran-dalana eny amin’ny toby Fiantsonan’ny Fasan’ny karana raha ny fanazavana. Saran-dalana vonjy maika ihany no nampiharin’ireo kaoperativa misahana zotra nasionaly sy rezionaly nanomboka ny latsinainy lasa teo.

Nitokona, nanao tsena maty ireo mpivarotra etsy amin’ny tsena petite vitesse androany. Anton’izany ny tsy faneken’ireo mpivarotra ny anorenana ny pylone mikasika ny tetikasa téléphérique. Efa nisy ireo teknisianina tonga nadrefy teny amin’ny tsena raha ny fanazavna hatrany.

Nisy fikarana 20% ny saran-dalana ho an’ireo fiara fitateram-bahoka manodidina an-Antananarivo. Amin’ny akapobehiny ireo koperativa mivodrona ao amin’ny UCTS sy ny UCTS.FA no nampiatra io fiakarana saran-dalana manomboka amin’ny 200 Ariary no miotra androany.