Archives quotidiennes: 7 avril 2023
Tanamasoandro : samihafa ny sora-bola omena ny tompon’ny tany sy ny any amin’ny foibe
Samihafa ny sora-bola anatin’ny Notification nomena ireo tompon’ny tany voakasiky ny tetikasa Tanamasoandro sy ny sora-bola any amin’ny Foibe hoy ireo tompon’ny tany voakasika nanaraka akaiky ny Dossier. Ireo tompon’ny tany izay nangataka fiaraha-miasa amin’ny Firaisamonim-pirenena ankehitriny, hitondra fanazavana amin’izy ireo ny lalàna sy ny dingana tsy maintsy harahina amin’izany.
Olona manana fahasembanana : nozaraina fitaovana entina miatrika ny fiainana
Notananterahina androany 06 Aprily ny fizarana ny fitaovana natokana ho an’ireo olona manana fahasembanana izay anatin’ny tetikasa MIHARY Employabilité et Autonomisation Economique. Fitaovana maromaro entina amin’ny fizakan-tena ara-ekonomika ho an’ny olona manana fahasembanana.
Kaominina Antananarivo : nolanian’ireo mpanolontsaina ny tetibolan’ny kaominina.
Nolanian’ireo mpanolontsaina androany ny teti-bola ny kaominina Antananarivo renivohitra ho amin’ny taona 2023. Mpanolo-tsaina miisa 53 no tonga nandray anjara tamin’ny tsangatanana. Ny fivoriana izay efa nanomboka ny 27 martsa 2023 lasa teo. Raha ny mahakasika ny faharatsian-dalana eto andrenivohitra, ny tsy fahampian’ny teti-bola am-pelatanan’ny kaominina no antony tsy nahafahana nanamboatra izany raha ny fanazavana hatrany.
Plan Emergence Madagascar : tsy maharesy lahatra ny mpamatsy vola hoy ny mpahay Toekarena
Tsy maharesy lahatra ireo mpamatsy vola ny politikam-panjakana hoy ny mpahay Toekarena Hugues RAJAONSON androany, ka antony mahatonga ny tsy fahatanterahan’ireo tetikasa voasoratra ao anatin’ny PEM na ny Plan Emergence Madagascar. Tsy mifanaraka amin’ny zava-misy ny velirano nataon’ny filoha ka tsy hisy mpamatsy vola ho azony intsony amin’izao fiafaran’ny fotoam-piasany izao.
Volam-bahoaka : tsy tokony ho laniana amin’ny fampielezan-kevitra
Miendrika fampielezan-kevitra alohan’ny fotoana avokoa ny fitokanana zava-bita amoriana olona maro ataon’ny filoham-pirenena ankehitriny hoy ny mpamakafaka ara-politika RAKOTOSON Dany. Tsy tokony ho laniana amin’izay arak’izany ny volam-panjakana izay azo hanatanterahana ireo fotodrafitrasa maika sy laharampahamehana ho an’ny vahoaka ankehitriny.
Fampandrosoana : tsy afaka mihetsika ireo Vondrom-bahoaka itsinjaram-pahefana
Tsy afaka mihetsika ireo vondrom-bahoaka itsinjaram-pahefana noho ny tsy fisian’ny Fitsinjaram-pahefana eto amintsika. Raisin’ny Minisitera sy ny Fanjakana foibe avokoa ny asa sy andraikitra sahanin’izy ireo ka tsy afaka mankany amin’ny fampandrosoana.