Archives mensuelles: juillet 2022

Tsy mitsaha-midina ny lanjan’ny Euro raha oharina amin’ny Ariary amin’izao fotoana izao. Araka ny tatitry ny banky foiben’i Madagasikara, manakaiky hitovy amin’ny lanjan’ny Dolara raha oharina amin’ny Ariary ny Euro oharina amin’ny Ariary ankehitriny. Izany hoe, androany, 4 090 Ar ny 1 dolara ary 4 095 Ar eo ny 1 Euro.

Nizotra ampilaminana ny fifaninana hidirana ho polisy any amin’ny faritra Atsimo Andrefana izay tanterahana ao Toliara. Nahitana fiakarana ny taham-pandraisana anjara ho anireo mpiadina raha nitaha tamin’ny taona lasa.

Nanolotra vaksiny Pfizer 01 hetsy doses ho an’ny fanjakana Malagasy ny gouvernemanta amerikanina tamin’ny ity herinadro ity. Tafiditra ao anatin’ny paikady iadiana amin’ny aretina covid-19 maneran-tany ny fanampiana vaksiny raha ny fampitam-baovao. Ankilan’izany, tsapa fa mbola vitsy ireo izay misafidy ny anao vaksiny indrindra ireo mponina mipetraka any ambanivohitra raha ny fanadihadiana teny amin’ny kaominina Ambanivohitra iray.

Efa manomboka amin’ny fanatanterahana ny fampielezan-keitra mialohan’ny fotoana ny mpomban’ ny Filoha Rajoelina amin’zao fotoana izao. Nanambara ohatra tale jeneraly misahana ny tetikasan’ny Filohan’ny Repoblika, Augustin Andriamananoro nandritra ny fitsidihana notontosainy tany Tsiroanomandidy fa ho kandida Filoham-pirenena ny taona 2023 ny Filoha Andry Rajoelina.

Manoloana ny firongatry ny tsy fahandriam-pahalemana tatoato, tsy mifidy taona fa maro no misafidy ny hianatra na handefa ny zanany hianatra self defense. Efa maromaro ny karazana haiady eto amintsika , tafiditra ao anatin’izany ny haiady nampiasan’i Bruce Lee.

Manana fitiavana manokana ny zavamaneno toy ny électrophone sy ireny gramophone ireny ni RANDRIANASOLO Théophile izay raim-pianakaviana mpanagona ieny zavatra ireo ary efa manodidina ny 30 izany amin’izao. Manana « disque » eo amin’ny 8 vata eo izy, izany ahitana ireo hira naomboka tamin’ny taona 1930 ary saika ny hira vahiny ny maro amin’izany ,ao ihany koa ireo hira gasy.

Notanterahina androany ny fanombohana amin’ny fomba ofisialy ny fanatanterahina ny tetikasa «  Ephytos » sy ny « Décisions anticipées » eo anivon’ny fadintseranana Malagasy raha ny nambaran’ny tomponandraikitra. Natao izany ho fanatsarana sy ho fanavaozana ny fomba fiasa eo amin’ny sehatry ny fifanankalozana ara-barotra eo anivon’ny Fadintseranana.

Miantso ny hanesorana ireo tomponandraiki-panjakana isan-tokony ao amin’ny distrikan’i Nosy Be ny eo anivon’ny vondrona RMDM. Anjakan’ny kolikoly ity distrika ity hoy izy ireo, indrindra ny eo anivon’ny fitsarana ka tokony hanaovana fanadihadiana sy handraisana fepetra.

Tanora malagasy iray no nahavita fianarana ka nahatsangana imprimante 3D vita teto an-toerana. Maro ny tanora mana-talenta hoy i RANAIVONAMPOIZINA Mikajy saingy tsy misy na tsy ampy ny tosika omena azy ireny ahafahany mivelatra sy manatanteraka ny tetikasany entina hampandrosoana ny tenany sy ny firenena.

Vokatry ny tsy fifankazahoana teo anivon’ireo mpanafatra solika sy ny mpiasan’ny Douanes ao Toamasina ka tsy nahafahana namoaka ireo solika ampiasain’ny orinasa JIRAMA no nahatonga ny fahatapahan-jiro nanomboka ny sabotsy lasa teo hoy ny tale ny kabinetra ny Minisiteran’ny Angovo sy ny Akoranafo androany.