Archives quotidiennes: 31 août 2019
Madagasikara : mpitarika ny ady amin’ny jiholahin-tsambo
Tapaka tany Tokyo Japon androany
nandritra ny fivoriana manokana ho an’ny fiaraha-miasa aty amin’ny Ranomasimbe
Indiana fa i Madagasikara no hitarika ny ady atao amin’ny jiolahin-tsambo.
Fanampim-panazavana.
« Papamobile » : natolotra tamin’ny fomba ofisialy androany
Natolotra tamin'ny fomba ofisialy androany ny
"Papamobile", fiara izay vita avy eto Madagasikara hitondra ny Pape
François mandritra ny fitsidihany eto Madagasikara manomboka ny faha-6
Septambra ho avy izao. Omen'ny orinasa karenjy ho an'ny fiangonana katolika ity
fiara ity aorian'ny fitsidihana tanaterahin'i Pape François.
Domaines sy Topo : niompana tamin’ny fampahafantarana ny famindrana ny tany ny varavarana misokatra
Niompana
tamin’ny fampahafantarana ny mpanjifa, ny mahazavadehibe ny famindrana ny
antontan-taratasy manaporofo ny fananan-tany amin’ny mpandova ny varavarana
misokatra nataon’ny sampandraharahan’ny fananan-tany sy ny fandrefesan-tany. Hisorohana
ny endrika halatra samihafa no tanjona.
TICAD 7 : nanolotra 2 miliara sy 600 tapitrisa Yen ho an’ny fanjakana Malagasy ny Japoney
Notontasaina androany ny fifanaovan-tsonia ho fanatsarana ny tetezan'i Mangoro sy Antsapaza amin'ny lalam-pirenena faha-2, teo amin'ny Masoivoho Japoney sy ny fanjakana Malagasy amin'ny alalan'ny minisitry ny raharaham-bahiny. Vola mitentina 2 miliara sy 600 tapitrisa Yen no natolotry ny fanjakana Japoney hahafahana manatanteraka izany.
Mialy RAJOELINA : zava-dehibe ny fanabeazana amin’ny fiarovana ny tontolo iainana
Zava-dehibe ny fanabeazana amin'ny
fiarovana ny tontolo iainana hoy ny vadin'ny filohan'ny repoblika, ramatoa
Mialy RAJOELINA nandritra ny fandalovany tany Japon. Ankoatry ny fahasalamana,
ny fanabeazana sy ny fiarovana ny olona marefo, isan'ny sehatra manan-danja
amin'ny vadin'ny filoha ny sehatry ny tontolo iainana.