Archives mensuelles: octobre 2019
Fanatanterahana ny tetikasa Tana-Masoandro : mizotra araka ny tokony ho izy
Mizotra araka ny tokony ho izy amin’izao fotoana izao ny fanatanterahana ny tetikasa Tana-Masoandro. Androany, nihaona tamin’ireo tomponandraikitry ny tetikasa ireo tompon-tany, izay resy lahatra fa hivarotra ny tanin’izy ireo amin’ny fanjakana.
Governora Analamanga
Nidina nijery ifotony ny asa fanamboarana ny lakandrano eny amin’ny fokontany Besarety Antananarivo Renivohitra firaisana faha-3 androany ny governoran’Analamanga RASOAMAROMAKA Hery, noho iny faritra iny dibo-drano foana rehefa fotoannn’ny orana.
Forum 2ème jour
Misokatra amin’ny fifanantonana sy ny fifampiresahana rehetra ny eo anivon’ny minisiteran’ny fanajariana ny tany, ny toeram-ponenana ary ny asa vaventy, manoloana ny raharaha fananganana ny Tanamasoandro sy ireo tetikasa hafa hotontosaina ; araky ny nambaran’ny tomponandraikitra androany, nandritry ny andro faharoan’ny 3ème Forum National Urbain, tontosaina etsy amin’ny Village Voara Andohatapenaka. Nisy androany ny famelabelaran-kevitra narahina adihevitra, nandraisan’anjaran’ireo mpisehatra maro anjara. Lohahevitra maro no nojerena nandritra izay, isan’izany ny fananganana trano fonenana an-tanan-dehibe.
Descente Apipa
Nidina tao amin’ny fokontany Anosibe Zaivola, ao amin’ny boriboritany faha-6, izay voakasiky ny tetikasa Tana-Masoandro ny maraina teo ny tale jeneralin’ny APIPA. Tamin’izany no nanazavana ny fizotry ny tetikasa sy ny fanonerana hatao amin’ireo izay voakasika.
3ème Forum National Urbain : tontosa nanomboka androany ka hatramin’ny 09 oktobra
Nisokatra amin’ny fomba ofisialy androany, ary aharitra 3 andro ny Forum National Urbain andiany faha-3; izay tontosaina ao amin’ny village Voara Andohatapenaka. "Tanan-dehibe, fanoitra ho amin’ny fampandrosoana haingana sy moderina an’i Madagasikara" no lohahevitra amin’izany. Nanamafy ny minisitra Hajo Andrianainarivelo nandritry ny fanokafana fa zava-dehibe ho an’I Madagasikara ny fampandrosoana ny tanan-dehibe. Hetsika maro no hotontosaina mandritra ity fikaonan-doha nasionaly ity.
RAJOELINA Andry : nitsidika ny teny amin’ny seranan’Ivato
Araka ny efa nambaran’ny Filohan’ny Repoblika RAJOELINA Andry nandritra ny fandaharana manokana tao amin’ny fahitalavi-pirenena alina, dia nitsidika teny amin’ny seranam-piaramanidina Ivato ny Filohan’ny Repoblika RAJOELINA Andry, manoloana ny fitarainana amin’ny fomba fiasa eny amin’ity seranana ity.
Delegasiona MEDEF : noraisin’ny Filoha teny amin’ny Lapan’Iavoloha
Noraisin’ny Filohan’ny Repoblika RAJOELINA Andry teny amin’ny Lapan’Iavoloha io maraina io ireo delegasionina avy amin’ny MEDEF na ny Mouvement des entreprises de France. Ny taona 2005 no tapaka ny fiaraha-miasa tamin’ireto mpandraharaha lehibena orinasa frantsay ireto saingy izao niverina izao indray.
Filohan’ny Repoblika : mitsinjo hatrany ny vahoaka Malagasy
Teboka maro no nisongadina tao anatin'ny fanadaharana manokana nataon'ny filohan'ny repoblika alina manodidina ny raharaham-pirenena. Fanehoana hatrany fa mitsinjo sy akaiky ary mihaino ny vahoaka Malagasy ny Filohampirenena raha ny fanehoan-kevitra azo androany.
Kaominina Tanjombato : kandidà Ben’ny Tanàna i RANDRIANARIBENJA Christophe
Nampahafantarina tamin’ny fomba ofisialy androany ny firotsahan-kofidian’ny kandidà RANDRIANARIBENJA CHRISTOPHE mirotsaka amin’ny anaran’ny antoko Malagasy Miara Miainga ao amin’ny kaominina Tanjombato. Fanamby napetrany ny hamerenana an’i TANJOMBATO ho isany kaominina PILOTE any ATSIMONDRANO.
ASIEF 2019 : hanomboka rahampitso any Antsiranana
Ho tanterahina manomboka rahampitso Alatsinainy faha-7 oktobra ka hatramin’ny Alahady faha-20 oktobra 2019 any Antsiranana ny fiadiana ny tompondakam-pirenena amin’ireo taranja fanatanjahantena ho an’ny mpiasam-panjakana.