Archives mensuelles: mars 2020

Andro fahatelo amin’ny fihidina an-trano entina misoroka ny fiparitahan’ny valanaretina covid 19 eto amintsika, saika voahaja ny fepetra amin’ny tsy fisian’ny tsena be ivorian’ny olona maro. Mbola betsaka kosa anefa ireo olona no hita mifamezivezy eny an-dalambe. Raha ny fanazavan’ny mpandinika fiarahamonina iray nanaovana fanadihadiana, mila mandray andraikitra ny isam-pokontany manentana ny olona raha tsy tiana ny hitohizan’ny fiparitahan’ny aretina. 

Nankasitrahan’ny maro ny fanapaha-kevitry ny fitondram-panjakana amin’ny fametrahana ny plan d’urgence social hanampina ny marefo sy izay voakasiky ny fepetra hiadina amin’ny Covid-19. Hanamaivana ny fahasahiranana hiatrehana ny valan’aretina ny fanampiana. Isany angatahan’ny rehetra arak’izany ny mangarahara manomboka amin’ny fandefasana ny lisitra eny anivon’ny tomponandraikitra voakasika hatramin’ny fisitrahana ny fanampiana avy amin’ny filoha.

Hatramin’ny 1 ora tolak’andron’ny 25 martsa 2020 teo, tsy nisy ny tranga vaovao voamarina fa tratry ny Covid-19, izany hoe nijanona ho 19 ny isan’ny olona nahitana ny  valan’aretina Covid-19 tamin’io ora io . Miisa 106 no voatily nanomboka omaly atoandro ka hatramin’ny androany tolak’andro. Etsy ankilany, misy ireo sokajy afaka mahazo ny « autorisation » na ny taratasy fahafahan’ny fiara mivezivezy araky ny nambaran’ny tale jeneralin’ny ATT androany. 

Tsy maintsy manaraka ireo fepetra ara-pahasalamana takiana ireo orinasa tsy miankina mampiasa olona maro ary mbola maohy ny asany. Raha toa ka tsy misy ny fandraisana andraikitra, mety ho tonga hatramin’ny fanakatoanana mandritra ny fotoana fohy ilay orinasa izany.

Miha-nahazo laka  eto Antananarivo renihovitra ireo taxi-moto clandestin hatramin’ny nampiatoana ny fifamoivoizan’ireo taxibe sy taxi. Mazava anefa ny fitsipika napetraky ny fiadidian’ny tanànan’Antananarivo sy ny mpitandron’ny filaminana momba ny moto : « tsy azo atao ny mitondra olona aoriana ».

Taorian’ny fihaonana teo amin’ny mpisehatra ao anatin’ny sehatra tsy miankina sy ny governemanta, tapaka fa hahato vonjimaika hatramin’ny faran’ny volana jona 2020 ny fandoavana hetra alaina amin’ny vola miditra ho an’ireo sehatra rehetra mifandray amin’ny fizahan-tany

Nahatsiaro manokana ireo olona tratran’ny valan’aretina Covid-19  ao amin’ny hopitaly Andohatapenaka sy Anosiala ny vadin’ny filoham-pirenena. Nandritra izany no nanolorany fanomezana ary nirarin’ny fahasalamaa ho an’ireo olona marary ireo.

Tsy misy ahiana ny fihodinan’ny vola eto Madagasikara, ary misy ny fepetra efa noraisin’ny Banky Foiben’i Madagasikara entina hitazomana ny fizotry fifamezivezen’ny vola. Io no nampahafantarin’ny teo anivon’ny Banky Foiben’i Madagsikara androany tamin’ny alalan’ny fampitam-baovao, manoloana ny Covid-19. Fepetra maro no napetrak’izy ireo ahafahana mampizotra antsakany sy andavany ny fampiasam-bola.

Nampihatra ny tsy fahafahana mivoaka amin’ny alina ny olompirenena teto Antananarivo raha ny hita nandritra ny andro voalohany omaly. Fanentanana no natao ho an’ireo izay tratra nivoaka taorian’ny tamin’ny 8 ora alina.

Niroso tamin’ny fanesorana ny fako eo amin’ny fokontany Ouest-Mananjara ny ministeran’ny fanajariana ny tany sy ny asa vaventy amin’ny alalan’ny APIPA. Aza vonjimaika, hiarovana ny mponina manoloana ny aretina mety hitranga no anton’izao fandraisana fepetra izao.