Archives mensuelles: mars 2020

Fa efa omaly  07 Martsa raha tsiahivina no efa nanomboka ny hetsika fankalazana ny andro iraisam-pirenena ho an’ny vehivavy tany amin’iny faritra Atsimo Andrefana iny. Hetsika maromaro no nanamarihin’ny vadin’ny filohan’ny Repoblika Mialy Rajoelina izany ny andron’ny omaly. Taterina aminao ato anatin’ny fanadihadiana ny antsipirihin’ izay .

Tonga nanome fanomezana ireo vehivavy voafonja eny Antanimora ny fikambanam-behivavy  « Grand sud Est Mahavagno » sy tomponandraikitry ny fonja androany, nentina nanamarihana ny andron’ny vehivavy. Entana ilaina amin’ny andavanandro no nomena tamin’izany. Zava-dehibe ny fanampiana ny  vehivavy voafonja raha ny fanazavana entina hampaherezana azy ireo.

08 Martsa 2020. Ankalazaina manerantany androany ny andro iraisam-pirenena ho an’ny vehivavy. Ho antsika teto Madagasikara, tany amin’ny faritra Atsimo Andrefana no nanamarihina izany. Fiovana azo tsapain-tanana eto amin’ny firenena, vokatry ny ezaky ny vehivavy Malagasy no andrandraina hoy ny vadin’ny Filohan’ny Repoblikan’I Madagasikara , Mialy Rajoelina .

Hiadiana amin’ny tsy fanjarain-tsakafo sy ny tsy fahampian-tsakafo ary indrindra hampivoarana ny faritra Atsimon’ny Nosy, nisy ny fanaovan-tsonia famatsiam-bola 30 Tapitrisa Euros avy amin’ny Vondrona Eropeana sy 1,5 Tapitrisa Euros avy amin’ny Coopération Allemande, amin’ny alalan’ny tetikasa AFAFI Sud,  izay notontosaina androany.

Efa ao anatin’ny famaramparanana ireo dingana izay tsy maintsy napetraka ho fampandehanan-draharaha amin’ny famerenanana ny hanodinanana ny orinasa KRAOMA ny tomponandraikitra amin’izao fotoana izao hoy ny minisitra tomponandraikitra raha namaly manolona ny fitokonana izay tanterahin’izy ireo mpiasa.

Tsy nisy ny fahampafantarana azy ireo mialoha hoy ny filohan’ny Antenimierandoholona ny mahakasika ny fanesorana ireo mpitandro filaminana teo amin’ity andrim-panjakana ity omaly. Ankilany, tsy azao ekena hoy ny sekreram-panjakana miadidy ny zandariamriam-pirenena ny fihetsika nataon’ny Antenimieran-doholona namoaka taratasy confidentiel teny amin’ny pejy Facebook an’ity andrim-panjakana ity.

Hampanarahana ny fenitra, ary hifanaraka amin’ny fiovaovan’ny toetr’andro ny fanamboaran-dalana eto Madagasikara, araky ny tetikasa NIRI-PG. Hisorohana ny fatiantoka ateraky ny loza voajanahary ity tetikasa ity raha ny fanazavana. Androany no nosokafana tamin’ny fomba ofisialy ny atrikasa  fankatoavana azy. Tanjona ny hanamafisana ny kalitaon’ny fotodrafitrasa toa ny lalana.

Nahemotra amin’ny Alarobia faha-11 ny volana ny didim-pitsarana mahakasika ny fangatahana fampiatona ny fanaovana saisie sy lavanty ireo entana an’i CLAUDINE RAZAIMAMONJY nogiazina.  Tsy nihemotra ankilany ny fanatanterahana ny lavanty izay notanterahana nanomboka androany.

Mbola anatin’ireo firenena arahi-maso hentitra na anaovana  suivi renforcé i Madagasikara momba ny ady manoloana ny famotsim-bola, kolikoly, ary ny fanodikodinam-polam-panjakana. Raharaham-barotra, izay ny 40% mifandray amin’ny resaka fandoavan-ketra no anaovan’ny SAMIFIN fanadihadiana ankehitriny. Maro ny ezaka tsy maintsy atao hanamafisana ny ady atao. Nisy androany ny fiofanana ireo mpisehatra niarahana tamin’ny COMESA.

Nitondra fanazavana mahakasika ny fanambarana nataon’ny CENI momba ireo aharana kara-panondrom-pirenena mitovy laharana ny minisitry ny Atitany androany. Hiroso amin’ny fanadihadiana izy ireo raha ny fanazavana.