Archives mensuelles: avril 2021

Efa feno tanteraka ny toerana natokana handevenana ireo olona lavon’ny valan’aretina Covid-19 ao Antsatratokana ao Mahajanga ao amin’izao fotoana izao. Fantatra ankehitriny fa efa mihoatra amin’ny tanin’olona manodidna eny an-toerana ny toerana natokana handevenana ireo matin’ny Covid-19 ka anaovan’izy ireo antso avo amin’ny tomponandraikitra.

Mandray  antsoratra ny fanampiana fotsiny ihany ny  eo anivon’ny BNGRC fa ny fanjakana no nitsinjara ireo fanampiana voaray raha ny fanazavana. Lamina izany napetraka hanamorana ny fitsinjarana ireo fitaovana voaray raha ny tatitra. Azon’ny fanjakana atao ihany koa ankilany ny manao antso avo eo amin’ny sehatra iraisam-pirenena amin’ny mety tsy fahampiahan’ny fanafody eto Madagasikara.

Efa mahtratra 350 ireo antontan-taratasin’ireo paramedy tonga namaly ny antso manoloana ny recrutement izay ataon’ny fitondram-panjakana amin’ny alalan’ny ministeran’ny fahasalamam-bahoaka. Ankoatra ireo paramedy, mandray ny personnel d’appui ihany koa ny fanjakana raha ny fanazavana ary mbola mitohy ny fandraisana ny antontan-taratasy.

Tohin’ilay raharaha fanondranana an-tsokosoko sokatra tany amin’ny Faritra Androy, fantatra izao fa zandary 02 no efa voasambotra ka anatin’izany ilay zandary tomponandraikitra ambony miampy sivily iray izay nanangona ireo sokatra. Mitohy ankehitriny ny fanadihadiana hahafantarana sy hanasaziana ireo tompon’antoka rehetra.

Nivory ireo mpivaro-tena ao Toamasina ny hariva teo ary nangataka ny hanemorana ny oran’ny couvre feu ho amin’ny 11 ora alina. Tsy te ho hitan'ny fiaraha-monina amin'ny andro mazava ny ankamaroan’ireo mpanjifa hoy izy ireo, ka tsy misy vola miditra raha vao mazava ny andro.

Taorian’ny fifampidinihana sy ny famolavolana ny tetikasa niarahana tamin’ny kaominina Antananario reniohitra sy ireo mpitatitra taxibe, nampahafantarina tamin’ny fomba ofisialy androany ny « Bus Class ». Taxibe vaovao manaraka ny fenitra takiana amin’izao vanim-potoana misy antsika izao, hoy ny eo anion’ny Kaominina.

Tontosa androany tetsy amin’ny Fitsarana avo momba ny lalàm-panorenana ny fianianan’ireo mpikambana vaovao miisa 9 mandrafitra ity andrim-panjakana ity. Handray ny asany avy hatrany izy ireo manomboka androany. Naneho ny fahavononany hanaja ny lalàna sy hitandro ny hasin’ny tsiambaratelon’ny didy izay havoakany ireto mpikambana vaovao ireto.

Tsy maintsy hesorina ka hitadiavana toerana hafa ireo mpivarotra eo amin’ny tetezana am-pasika hoy ny minisiteran’ny Fanajariana ny tany sy ny Asa Vaventy. Andraikitry ny Ben’ny tanàna no manome toerana ho azy ireo araka ny fidinana ifotony natao teny an-toerana.

Efa tara ny fanapahan-kevitra noraisin’ny governemanta mahakasila ny antso avo ataony amin’ireo mpitsabo sy mpitsabo mpanampy hanatevin-daharana ireo mpitsabo amin’ny valan’aretina Covid-19 hoy ny filohan’ny sendikan’ny PARAMED androany. Vahaolana maharitra toy ny « recrutement massif » no tokony hapetraka ary tsy tokony ho fifanarahana ara-taratasy fotsiny ihany fa didim-panjakanana mihitsy ny fifanarahana.

Misy mitazona any an-trano sy any an-toeran-kafa ny bouteille d’oxygène efa tsy misy intsony ka mampanano sarotra ny fitsinjara raha ny nambaran’ny ministeran’ny fahasalamam-bahoaka. Araka ny fantatra, mitombo araka izay tsy izy ny filàna ny Oxygène Medical eto amintsika amin’izao fotoana vokatry ny fahabetsahan’ny marary mila izany eo amin’ny lafiny fitsaboana.