Archives mensuelles: juin 2022

Androany no natolotry ny Minisitry ny Fitantanam-bola ny LFR na ny tetibolam-panjakana nasiam-panitsiana 2022 tamin’ireo solombavabahoaka teny amin’ny Antenimierampirenena, ny hariva tamin’ny 3 ora no niditra tao nadalo ny asam-bomera ny tolodalana. Rahampitso koa dia efa hiroso amin’ny fanadaniana io lalana io ny solombavabahoaka raha ny lamina napetrakin’ny eo anivonn’y Antenimierampirenena.

Raha toa ka ny 8 jona lasa teo no nakatoavina ny filankevitry ny ministra ny volovolan-dalana mahakasika ny fanitsiana ny tetibolam-panjakana 2022, androany vao natolotra teny amin’ny antenimieram-pirenena izany ary androany hariva vao hiditra amin’ny asam-bomeza. Rahampitso izanydia efa hiroso amin’ny fandaniana izany ireo solombavambahiaka.

Misy tsy mazava ary mampametra-panontaniana ny fandinihana sy ny fampandaniana ny LFR na ny tetibolam-panjakana nasiam-panitsiana 2022, hoy ireo solombavambahoaka naneho ny heviny, taorian’ny fanemorana ny fanolorana tokony ho nataon’ny Minisitry ny Fitantanam-bola androany. Ny LFR izay iankinan’ny fiainam-pirenena iray manontolo.

Noho ny tsy fahatongavany tamin’ny ora farany, nahemotra rahampitso ny fanoloran’ny Minisitry ny Fitantanam-bola ny LFR na ny tetibolam-panjakana nasiam-panitsiana 2022 izay tokony ho natao teny amin’ny Antenimierampirenena androany. Ny fandaharam-potoana tokony ho nataon’ireo Solombavambahoaka ny zoma ho avy izao indray no naroso androany.

Hampiofanina sy hampianarina ireo Ben’ny tanàna mba tsy hanaonao foana sy handika lalàna hoy ny KMF/Cnoe. Izay no tokony hirosoana fa tsy ny fanovana ny lalàna entina miaro azy ireo. NY tolo-dalàna 009-2021 nolanian’ny antenimierampirenena izay mampanjaka goragora eto amintsika hoy ity fiarahamonim-pirenena ity.

Mitaky ny fitovian-zo mitovy ireo mpiasan’ny fahasalamana rehetra ireto mpianatra mpitsabo izay manatanteraka asa eny anivon’ny hopitalim-panjakana. Raha ny fanazavana, Misy ny fikorotanana amin’ny fandraisana ny karama isam-bolana eo ihany koa ny tsy fisitrahana fisodrotan-karama ho 13% toy ireo mpiasan’ny fahasalamana rehetra. Androany nanao hetsika fanairana tetsy amin’ny DRSP Analamanga ireto mpitsabo mpiana-draharaha ireto.

Ho fiarovana ireo sokatra efa mihalany tamingana amin’izao fotoana, efa nijoro ny « Tafo Mihaavo » any amin’ny faritra Atsimo-Andrefana sy ny faritra Androy, izay tambazotran’ny fokonolona mitantanana ny harena Voajanahary. Na izany aza, mbola misy ny lesoka amin’ny fampiharana ny dinan’ny fiarovana ny sokatra.

Hiditra amin’ny fitokonana ireo mpiasa eo anivon’ny minisitran’ny raharaham-bahiny manomboka ny zoma ho avy izao hoy ny filohan’ireo sendikan’ny mpiasa eo anivon’ity minisitra ity androany. Tsy fandraisana ny tambim-karama, fanitsakitsahana ny zo maha-olona ataon’ireo tomponandraikitra, isan’ny antony hirosoana amin’izay fitokonana izay.

Ho fanakalazana ny faha-62 taona niverenan’ny fahaleovan-tenan’ny firenena, nosokafana tamin’ny fomba ofisialy androany ny kerimesin’ny mpitandro filaminana eny amin’ny kianja malalaka Betongolo. Kerimesy lehibe ahitana kilalao maro samihafa sy sakafo isan-karazany hamalifaliana ny vahoaka Malagasy no tanterahin'ireo Mpitandro filaminana ahitana ny Miaramila, Zandary sy Polisy.

Tsy ekena ny tsindry ara-politika atao amin’ny mpandrindra nasionaly ny antoko HVM Rivo Rakotovao manoloana ny fampiatsoana azy eny anivon’ny BIANCO raha ny fanambarana nataon’ny RMDM Toliara androany. Manahy ny amin’ny hisihan’ny tetika hanebatsembanana sy hampihorohorana ity mpikambana anatin’ny RMDM ity kosa ny RMDM disapora raha ny fanambarana navoakan’izy ireo.