Archives mensuelles: mai 2023

Mampanahy ny mety hisian’ny hetsi-bahoaka rahampitso sy afaka ampitso eto amin’ny tany sy ny firenena raha ny fizotry ny fikarakarana Fifidianana hoy ny teo anivon ’ny HVM. Nanamafy izany ny APM na ny Antoko Politika Madio ary nilaza fa tsy ampy fanomanana ny mpitondra Fanjakana raha tsy hilaza hafa-tsy ny vola natokana hikarakarana ny fifidianana.

Sehatra maro antoky ny fampandehanana ny toekarena eto Madagasikara no sahirana amin’izao fotoana hoy ny masohivohon’ny vondrona Eropeana.  Tranga izay mila ny fandaraisana andraikitry ny mpitondra raha tiana hisy ny fampandrosoana ny firenena. Ankilany, efa milamina ny zava-dehibe amin’ny fifanarahana amin’ny lafiny jono eo amin’i Madagascar sy ny vondrona Eropeanina ankehitriny raha ny fanazavana.

Miditra amin’ny andro faharoa ny fandinihin’ireo Solombavambahoaka ao anatin’ny Vaomieran’ny harena an-kibon’ny tany sy ireo mpisehatra isan-tokony voakasika amin’ny fanavaozana  ilay Fehezan-dalàna hifehezana ny harena an-kibon’ny tany. Miha-mafana ny ady hevitra mandritra izany ary maro ireo teboka avy amin’ny fanjakana takian’ny solombavambahoaka ny hanitsiana azy.

Miditra amin’ny andro faharoa ny fandinihin’ireo Solombavambahoaka ao anatin’ny Vaomieran’ny harena an-kibon’ny tany sy ireo mpisehatra isan-tokony voakasika amin’ny fanavaozana  ilay Fehezan-dalàna hifehezana ny harena an-kibon’ny tany. Miha-mafana ny ady hevitra mandritra izany ary maro ireo teboka avy amin’ny fanjakana takian’ny solombavambahoaka ny hanitsiana azy.

Tsy mbola nangataka tohana ara-bola tamin’ny vondrona Eoropeana ny fanjakana Malagasy sy CENI hanatanterahana ny fifidianana hoy ny masoivohon’ny vondrona eoropeana androany. Ny fanjakana Malagasy no hiantoka ny hoenti-manana raha ny fanazavana. Mampametra-panontaniana arak’izany ny hoe, ny vola andrasana amin’ny banky iraisam-pirenena ve no hanaovan’ny fanjakana ny fifidianana, lalaon’ny Nosy sy andoavana ny trosan’ireo orinasa tsy miankina fa tsy hisy drafi-pampandrosoana mazava hotanterahana.

Ho ela vao hisy ny fampandrosoana ny vondrom-bahoaka itsinjaram-pahefana avy amin’ny harena an-kibon’ny tany raha ny fomba fitsinjarana ny tamberim-bidy avy amin’ny fitrandrahana anatin’ny fehezan-dalana hifehezana ny harena an-kibon’ny tany hoy ireo solombavambahoaka. Maro arak’izany ny teboka tsy maintsy hitondran’izy ireo fanitsiana ary iantsoan’izy ireo ny solombavabahoaka maro an’isa hijoro ho an’ny tombontsoan’ny rehetra.

Misedra olana vokatry ny fidangan’ny vidin’ny herinaratra avokoa ny ankamaroan’ny orinasa amin’izao fotoana. Hikatona tsikelikely ireo orinasa raha tsy misy ny vahaolana hafa handrindrana sy hanamaivanana ity « coups d’énergie » hoy ireo mpandraharaha indrindra amin’izao vanim-potoana avy nandalovan’ny valan’aretina izao.   

Tsy mitombona ny ambaran’ireo mpisehatra politika ny amin’ny fisiana Fokontany vaovao maherin’ny 1 000 ao amin’ny distrikan’i Toliara faharoa  hoy ny teo anivon’ny CENI nandritra ny fidinan’izy ireo tany an-toerana. Ankoatr’izay, olana sedrain’ireo Fokontany maro ao amin’ny  distrika ny Toliara faha-02 ny tsy fahampian’ny biraom-pifidianana izay mampalaina ireo olom-pirenana hanao ny adidy.

Tsy manaja ny fifanarahana iraisam-pirenena izay no soniavin’i Madagasikara tamin’ny taona 1971 mahakasika ny zo sivily sy politika ny fepetra no raisin’ny fanjakana malagasy amin’ny famerana ny hetsika politika na ny famoriam-bahoaka atao anaty toerana mifefy.  Io fifanarahana iraisam-pirenena io no ambony nohon’ny didihitsivlana nahafahana nadray ny fepetra izany ef atamin’ny taona 1962 hoy ny masohovoho ny vondrona Eropeanina.

Tsy vitan’ny fizarana sakafo, izay ho lany anatin’ny iray andro ny fanatsarana ny sosialim-bahoaka hoy ny loholon’i Madagasikara RAKOTONDRAINIBE Michel nandritra ny fihaonan’ny Antoko tamin’ireo vahoaka tao amin’ny Kaominina Anosizato, distrikan’Atsimondrano. Tsy manana vina sy drafitra mazava ny mpiotndra ankehitriny ho fitsinjovana izay sosialim-bahoaka izay, anton’ny zava-misy ankehitriny hoy ny nambarany.