Archives mensuelles: août 2017

Vola  sandoka 20 000 Ar miisa 59 no saron'ny mpitandron'ny filaminana tany Sambava, herinandro vitsivitsy taorian'ny fanontana ireo vola vaovao. Raha ny eto an-drenivohitra kosa, raha ny fanazavana azo teny anivon'ny zandarimariam-pirenena omaly, hatreto, tsy mbola misy ny tatitra mikasika izany. Isan'ireo lasibatra voalohany ary mailo amin'izany ireo mpivarotra mpamongady.

Tao anatin'ny 10 taona, miisa 200 mahery ireo olona tsy hita na maty noho ny loza an-dranomasina. Tsy voaporofo mazava io antontan’isa io noho ny tsy fsiain'ny fanadihadiana mifanaraka amin'izany. Olana maromaro no mbola tsy ahafahana mifehy izay trangana loza izay raha ny fanazavana.

Endrika maro no isehoan'ny tsy fahafahana maneho hevitra eto Madagasikara raha voalazan'ny mpanao politika iray. Porofon'izany ny tsy fanomezana alalana ireo mikasa hanao fihetsiketsehana na fankalazana samihafa eto an-drenivohitra. Manameloka izany ny SEFAFI tao anatin'ny fanambarana navoakany.

Avy amin’ny fifidianana hatrany ny olana mitranga eto amin’ny tany sy ny firenena. Manomboka hatrany amin’ny fanoratana ny lisi-pifidianana ny olana, ka hatrany amin’ny valim-pifidianana, ary misy fiantraikany amin’ny fiainan’ny vahoaka iray manontolo mandritra ny fe-potoana iasan’ny filohampirenena ny voka-dratsin’izany. Miverina indray ny tantara amin’ny fikitihana indray ny lisi-pifidianana tsy nanaovana teny ierana. Ny andinindinin’izany arahinao ato anatin’ny matoandahatsoratr’I Boaza Razanatsoa.

Olona maherin'ny 20 no namoy ny ainy, nisy ireo kila tanteraka, am-polony naratra. Izay no vokatry ny lozam-pifamoivoizana nitranga tamin'ny sampana tanora Kristiana sy Sampati FJKM synodam-paritany Soavinandriana, faritra Itasy omaly alina. Ny Talata hariva no tonga teny amin'ny HJRA ireo niharam-boina, nihazo an'Itasy ireo razana.

Nosokafan'ny CENI indray ny lisi-pifidianana na dia efa nofaranana tamin'ny fomba ofisialy ny faha-15 ny volana aprily lasa teo, raha tsy ilaza ny zava misy ao amin'ny distrikan'Avaradrano. Fahefana avy amin'ny andinin-dalana aiza no nahafahan'ny CENI nanao izany?

Maty nisy namono omaly alina tao an-tranony I Tsiandopy Jacky Mahafaly, filohan’ny sendikan’ny inspecteurs d’Etat de Madagascar no minisitra teo aloha. Ny brigade de recherche eo anivon’ny zandarimariam-pirenena no misahana ny fanadihadiana.

Nomem-boninahitra farany tetsy amin'ny Antenimierampirenena Tsimbazaza omaly maraina ny nofo mangatsiakan'i Mamy Rakotoarivelo, mialohan'ny nitondrana azy teny amin'ny FLM Ambatovinaky, sy nametrahana ny vatana mangatsiaka tany Talata Volonondry.