Archives mensuelles: novembre 2020

Nitsidika ny fanatantrahana ny fotodrafitr’asa izay hatsangana ao Toamasina androany ny Filohan’ny repoblika mivady sy ireo mpikambana teo anivon’ny governemanta. Isan’ny Fanombohana ny dingana voalohany amin'ny tetikasa Miami, ny lalana boulevard Ratsimilaho sy ny fanajariana ny lalana miainga avy eo Morafeno mivoaka eo amin'ny Hopitaly Be.

Trano ampolony no kila forehitra tao amin'ny bazary Tanamakoa Toamasina tokony ho tamin'ny 04 ora tolakandro teo, tsena avokoa ny ankabeazany. Niara-nanomboka tamin'ny fiandohan'ny lalaon'ny Barea tamin'ny tolakandro teo ny firehetan'ny afo teo amin'ny Bazary Tanamakoa parcelle 12/14.

Tsy ampy ny tosika avy amin’ny fitondram-panjakana ho an’ireo mpandraharaha misehatra eo amin’ny fizahantany ao Nosy Be raha ny nambaran’ny tomponandraikitra avy amin’ny ofisim-paritry ny fizahantany any an-toerana. Ankehitriny, ny 30% ireo trano fandraisam-bahiny misokatra any an-toerana.

Manoloana ny resabe tao anaty ny tambazotran-tserasera mikasika ny ahiahy amin’ny mety fisihana mpilalao mandrafitra ny ekipam-pirenena voan’ny Covid-19. Nanamafy tanaty ny tambazotran-tserasera androany ny mpanazatra Nicolas Dupuis fa tsy misy mitondra ny tsimok’aretina coronavirus na ireo mpilalao na staff ny barea taorinan’ny fitiliana natao azy ireo ny maraina teo.

Nivoaka tamin’ny fomba ofisialy omaly hariva teny anivon’ireo sekoly samy hafa ny voka-panadinana Bakalorea ho an’ny faritanin’Antananarivo. 50,77 % ny taham-pahafana amin’izany izay nahitana fiakaran’ny 10,56 % raha ho arinany tamin’ny “première” session ny taona lasa na teo aza ny fisihan’ny valan’aretina covid-19 nandritra izany.

102 taona androany ny naharesy ny firenena Allemand ary nampitsaharana ny ady lehibe voalohany ny taona 1918. Analin’ny ireo tanora malagasy avy amin’ny lafy valon’ny nosy niaraka tamin’ny firenena Frantsay nandray anjara tamin’ity ady lehibe ity. Nisy araka izany ny fanateram-boninkazo teny Anosy, ho fanomezam-boninahitra ireo miaramila malagasy maty tamin’izany fotoana izany.

Ho fantatra mialohan’ny faran’ny taona ny paikadi-panarenana ny kaompaniam-pitaterana Air Madagascar. Efa eo am-pamolavolana izany ny ekipa manokana misahana izany raha ny fanazavana.

Nifarana androany ny lisitr’ireo mpifidy vaventy hanatanteraka ny fifidiana loholona ny faha 11 ny volana desambra izao. Araka izany tsy hanan-kery intsony ireo didim-pitsarana avy amin’ny Fitsarana misahana ny ady amin’ny fanjakana sy ny fitsarana ambony, mikasika ny fanovana ny lisim-pifidianana aorian’ny androany. Hivoaka manomboka rahampitso eny anivon’ireo distrika manerana ny Nosy ny lisitry ny mpifidy vaventy raha ny nambaran’ny teo anivon’ny CENI.

Ramatoa be iray, 84 taona, mpivarotra café no notafihin’ny Jiolahy 03 lahy mitondra antsy tao an-tranony, ao amin’ny Fokontany Marodoka, Kaominina Maintirano, androany tokony ho tamin’ny 03 ora maraina teo. Nokapohin’izy ireo ny lohany sy ny tanany hahazoany ny vola 3 alina Ariary, sy telephone ary ny poketra fitondra miantsena.

Olona 02 mivady no hita faty tao an-tranony rehefa nisy namono tamin’ny fomba feno habibiana tao amin’ny Kaominina Manandriana Antananarivo Avaradrano. Razana efa simba no hita sy tsikaritry ny olona rehefa nijery ny tranon’izy. Ireo mpiasa tao an-trano no ipetrahan’ny ahiahy hatreto.