Archives mensuelles: mars 2023
Olan’ny Orinasa SECREN : vokatry ny tsy fanajana ny fitsinjaram-pahefana
Miezaka mampahafantatra ny vinam-piarahamonina hahahafana mampandroso an’i Madagasikara ny antoko MMM amin’ny fitetezam-paritra ataony. Tafiditra amin’izany ny fakan-kevitra avy amin’ny vahoaka eny ifotony. Nisy ny famelabelaran-kevitra nataon’ny Filoha Hajo ANDRIANAINARIVELO izay namoaboasana ny hoe « Fitsinjaram-pahefana eo amin’ny tontolon’ny varotra sy ny toekarena », tao amin’ny Hotel de la Poste, Antsiranana omaly. Tsapan’ny mpizaika fa vokatry ny tsy fampiharana araka ny tokony ho izy ny fitsinjaram-pahefana no mahatonga ny olan’ny orinasa SECREN.
Fivahinianana Masina
Mila mampifandray finoana amin’ny asa ny kristianina. Mila fiomanana ny paka hoan’ny mpino. Vanimpotoana handinihana ny famonjena izay mifototra indrindra amin’ny hazo fihaliana. ary ilaina ihany koa ny fandraisana andraikitra eo amin’ny firenena ny kristiana mba hanjaka ny fahamarinana sy fahitsiana fa sahirana ny vahoaka malagasy amin’ny harena maro ananany. Mila mihavao ara-panahy sy mivelona ny finoana ny kristiana amin’izao fahatongavan’ny Paka izao hoy Mgr Marc Benjamin RAMAROSON Arsevekan’i Diosezin’Antsiranana nandritra ny fivanianana masina teto amin’ny La Montagne de Français ny maraina teo.
Informatique sy Web : malakaka ny sehatra ary ahazoana asa maro
Malalaka ny sehatry ny Informatique sy ny Web amin’izao fotoana ary hahafahana mahazo asa ho an’ny tanora maro. Ilaina ary zava-dehiba manoloana izany anefa ny fianarana sy ny fiofanana, izay miankina amin’ny fahavononana sy ny fahaizan’ny tanora tsirairay avy.
Lola RASOAMAHARO : nitaky vola mitentina 885 Tapitrisa Ariary tamin’ny mpitory azy
Vola mitentina 885 Tapitrisa Ariary no voalaza ho notakian’i Lola RASOAMAHARO tamin’ny mpitory azy, ka nahatonga azy naiditra vonjimaika any am-ponja omaly. Nilaza ihany koa ny mpitory fa nisy fampitahorana sy ny fanalana baraka nataon’ilay tompona orinasa fanaovan-gazety. Tranga izay tsy misy hifandraisany amin’ny asa fanaovan-gazety raha ny fanazavana hatrany.
Vakinankaratra : ratsy kalitao ny ovy noho ny tsy fahampian’ny Zezi-bazaha
Nahitana fiakarany ny vidin’ny ovy ao amin’ny faritra Vakinankaratra raha ny fanadihadiana natao tamin’ireo tantsaha mpamokatra any an-toerana. Ratsy ihany koa ny kalitaon’ny vokatra tamin’ity taona ity raha mitaha tamin’ny taon-dasa. Anton’izany ny fahalafosan’ny zezi-bazaha izay tsy maintsy ampiasain’ izy ireo eo amin’ny fambolena. Eo ihany koa ny faharatsian’ny lalana izay miteraka fatiantoka eo amin’ny fitaterana ny vokatra.
Zon’ny olom-pirenena : antoky ny filaminana ny fanajana azy
Zava-dehibe ny fahafantaran’ny vahoaka Malagasy fa misy solombavambahoaka mijoro, miaro ny Andrim-panjakana iray, hoy ny Filoha nasionalin’ny Antoko Malagasy Miara-Miainga raha naneho ny heviny mikasika ilay fanambarana nataon’ny Solombavambahoaka ny maraina teo. Antso avo efa nataon’ny antoko hatrizay ihany koa raha ny fanazavany ny tokony hanajana ireo olom-boafidy, na iza na iza.
HCDDED : tapitra androany ny fepotoam-piasany araky ny filan-kevitry ny minisitra
Tapitra androany ny fepotoam-piasan’ny HCDDED, io no anisan’ny nisongadina tao anatin’ny filan-kevitry ny minisitra omaly. Tsy araka ny tokony ho izy io fampitsaharana azy ireo io raha ny fanazavana mialoha nentin’ny filohan’ny HCDDED raha araka ny fotoana nandraisan’izy ireo ny asany sy ny nahazoany ny teti-bola nanatanterahan’izy ireo ny asany.
« Droit de sortie » : fanafoanana no nandrasana, fampitsaharana no azo
Tsy nahafa-po ny mpandraharaha anatin’ny sehatry ny harena an-kibon’ny tany ny fepetra noraisin’ny fitondram-panjakana mahakasika ny DROIT DE SORTIE alaina amin’ny fanondranana ny vokatra harena an-kibon’ny tany. Raha fanafoanana tanteraka io tataon-ketra 15 hatramin’ny 20 % io no nangatahana, ny vokatra tokony aondrana ny taona 2022, izay tsy mbola lasa hatramin’izao ihany no nahazoana izay fanafoanana ny Droit de Sortie izay araka ny tapaky ny teo anivon’ny Fadintseranana.
Firaisamonim-pirenena sy antoko Politika : miantso ny fanavaozana ny Lalàm-pifidianana
Miantso amin’ny fanavaozana ny lalàm-pifidiana mandritran’ny fivoriana ara-potoan’ny Antenimiera ho avy izao ankehitriny ireo antoko politika miisa 11 resy lahatra mikasika ny zotram-pifidianana azo antoka sy mangarahara. Io no isan’ireo teboka lehibe nivohitra taorian’ny dinika izay nikaonan-doha mikasika ny toe-draharaha mialohan’ny fifidianana notanterahin’ny FES sy ireo firaisamonim-pirenena niaraka tamin’ireo antoko politika samihafa.
Solombavambahoaka : manahy ny tsy hisian’ny fifidianana madio sy mangaraharaha
Manahy ny tsy hisian’ny fifidianana madio sy mangarahara ary eken’ny rehetra ireo Solombavambahoaka nametraka ny taky teny anivon’ny HCDDED mikasika ilay Fitsipaham-pitokisana, araka ny fanambarana nataon’izy ireo androany. Tsy ho azo antoka fa hitsara ara-drariny sy araky ny lalàna ireo fifidianana hifanesy eto amin’ny Firenena ny HCC hoy izy ireo ka mety hiteraka Krizy.