Archives mensuelles: mars 2023

Tsy arotsaky ny eo anivon’ny minisiteran’ny toekarena sy ny fitantanam-bola ny anjara vola tokony ho sitrahan’ny kaominina maro avy amin’ireo hetra samihafa amin’izao fotoana. Nanomboka ny volana novambra 2022 no efa tsy nisy intsony izay Virement izay ho an’ny kaominina Imerintsiatosika hoy ny ben’ny tanàna ka mikatso ny asa fampandrosoana sy ny fampandehanan-draharaha ankapobeny.

Mitohy hatrany ny fitarainan sy ny antso avo ataon’ireo mpitatitra noho ny faharatsian’ny lalana amin’izao fotoana. Ny faharatsian’ny lalana izay mampirongatra ny tsy fandriampahalemana sy ny fanafihana ireo fiara mpitatitra vahoaka raha ny fitarainana voaray.

Maro ny lesoka tamin’ny fanantanterahana ny fanavaozana tanteraka ny lisim-pifidianana hoy ny sehatra mpanara-maso ny fifidianan SAFIDY nandritry ny fitsirihana nataon’izy ireo. Isan’izany ny tsy fahampian’ny fitaovana entina manao ny fanisana ireo mpifidy ary ny tsy fahampian’ny fahampafantarana sy fanentanana ara-piffidianana eny anivon’ny Fokontany. Hatramin’ny 5,65% ny Fokontany ihany koa ankilany no tsy nanaraka ny voalazan’ny lalàna tao anatin’izay.

Maro ny teboka tsy mbola ahafahana mifehy ny endrika tsy fanarahan-dalana amin’ny fitaterana an-dranomasina indrindra ny fiondranana an-tsokosoko mihazo ireo Nosy manodidina hoy ny tale jeneralin’ny APMF androany. Isany tokony hatao laharampahamehana ny fifanomezam-baovao amin’ireo sampandraharaha isan-tokony ahafahana misoroka mialoha ny trafika tsy ara-dalàna miafara amin’ny famoizana aina. Fotoana ihany koa izao hijerena ny olana fototra mitarika ny fiondranana an-tsokokoso izay, indrindra ny lafiny sosialy sy ny fampananan’asa eto amin’ny firenena.

Noraisin’ny zandary an-tànana ny fitsaboana ireo vehivavy roa, tafavoaka velona tamin’ny loza an-dranomasina niseho tao Ankazomborona Ambilobe. Mitohy kosa ny fikarohana ireo tompon’antoka tamin’ny fikarakarana, ny fitondrana sy ny fitaterana olona hivoaka an-tsokosoko any Mayotte, izay namiozana ain’olona maro farany teo.

Mampanahy ny mahakasika ny fanomanana sy ny fiatrehana ny fifidianana amin’ity taona 2023 ity, hoy ny mpahay toekarena Hugues RAJAONSON nanaovana fanadihadiana androany. Hita taratra ankehitriny fa tsy manana fahavononana hiatrika fifidianana ny fitondram-panjakana mijoro. Hisy akony goavana eo amin’ny lafin’ny ara ekonomika ny zava-misy raha ny fanazavany.

Nitokona ary nilanja sora-baventy nanaloana ny birao fiasany ireo mpiasan’ny ministeran’ny fitsinjaram-pahefana androany. Antony ny tsy fanekena ny fanesoran’ny ministeran’ny fanajariana ny tany azy ireo sy ny nanakatonana ny birao fiasan’izy ireo omaly. Tsy manaiky ny famindrana azy ireo ho any amin’ny tranon’olotsotra ireo mpiasa raha ny fanambarana niarahan’izy ireo androany.

Miovaova tahaka ny mahazatra hatriazay ny foto-kevitra ijoroan’ny antoko AVI amin’izao fotoana. Manaporofo izany ny fanehoan-kevitry ny Filohan’ny Antoko teo aloha, RATSIRAHONANA Norbert Lala, nandritry ny fihaonana nokarakarain’izy ireo tao Toliara.

Tafiakatra 34 ankehitriny ireo namoy ny aina vokatry ny faharendrehan’ilay sambo nikasa hitondra olona antsokosoko ho any Mayotte. Ny andron’ny omaly, razana 11 no hita faty tao Nosy Faly ao anatin’ny distrikan’Ambanja. Mbola mitohy ny fikarohana ataon’ireo fokonolona sy ny manampahefana.

Tsy marina ny filazana niely tao anaty tambajotra serasera Facebook nilazana fa nalefa irery toy ny colis ilay Zaza lahy 04 taona hita faty omaly niaraka tamin'ireo razana 11 tao Nosy Faly, nilaza ny dadabeny any Toamasina fa niaraka rendrika tamin'iny reniny io Zaza io fa saingy mbola tsy hita ny Razana hatreto.