Archives mensuelles: avril 2023

Vaky ny ady eo amin’ny  mpikambana TGV  sy mpikambaa  Freedom  izany samy  manohana ny Filoha Andry Rajoelina.  Niverina indray ny resaka akanjo sy loko politika teto nandritra ny fitokanana ny Mozea Rainilaiarivony teny Amboditsiry androany.  Niakapeo tamin’ny fanilikilihana ny mpikambana TGV nataon’ny Freedom ny  Solombavambahoaka  Naivo RAHOLIDINA.

Tsy misy antoka omen’ny fanjakana ho an’ireo te hampiasa vola eto Madagasikara, antony tsy hisian’ny famoronan’asa eto amintsika hoy ny Filohan’ny Antoko Malagasy Miara-Miainga nandritra ny fihaonan tamin’ireo mponina tao Maintirano. Ireo orinasa efa mijoro, hanaovana antsojay amin’ny endriny maro samihafa. Vokany, ambony ny tahan’ny tsy fananan’asa, izay mahatonga ny tsy fandriam-pahalemana.

Mitombo avo roa heny ny fotoana lany eny ambony taxibrousse vokatry ny faharatsian’ny lalana mihazo an’i Maintirano amin’izao fotoam-pahavaratra izao. Misy any an-toerana ny fitaovam-panjakana ahafahana manamboatra izany saingy tsy ampiasaina amin’ny tokony ho izy ka simba am-pitoerana. Manao antso manoloana izany ireo mpampiasa lalana noho ity distrika ity adinon’ny fanjakana.

Notanterahana androany tany Maintirano, renivohitry ny faritra Melaky ny fivoriana narahina ady hevitra niarahana tamin’ny filoha naionalin’ny Antoko Malagasy Miara-Miainga, Hajo Andrianainarivelo, ny biraon’ny MMM eny ifotony ary ireo olom-pirenena liana amin’ny fitsinjaram-pahefana, entina mampandroso ny firenena. Fotoana izay nampitandreman’ny filohan’ity antoko ity ireo olom-boatendry manao fanaparam-pahefana.

Efa miriharia ao amin’ny kaominina Andakana anatin’ny distrikan’i Vondrozo sahady ankehitriny ilay jiolahy izay namono nahafaty raim-pianakaviana iray NY VOLANA Martsa lasa teo. Mampametra-panontaniana ny zava-misy hoy ny mponina sy ny ben’ny tanàna ao an-toerana. Miaina ao anatin’ny tebiteby ny mponina ary matahotra ny mety hisian’ny valifaty.

Na teo aza ny fakan-kevitra natao tamin’ny famolavolana ny volavolan-dalàna hifehezana ny harena an-kibon’ny tany, maro ny teboka tsy ankasitrahan’ny mpandraharaha ao anatin’izay. Isany nanaitra ny fandoavana ny vola rehetra amin’ny fifampivarotana ny vokatra harena an-kibon’ny tany ho CREDOC avokoa raha REMISE LIBRE izany teo aloha. Ny CREDOC izay fomba fandoavam-bola hanasoratra ny fifampivarotana ka hivadika olana toy ny Droit de sortie indray hoy ny teo anivon’ny FOMM na ny Féderation des Opérateurs Minier Malagasy.

Tsy manana politika mazava hitantanana ny firenena ny fitondrana ankehitriny, saika ireo fomba fanao tsy nety tany aloha no averiny amin’izao fotoana. Tsy misy ihany koa ny « continuité de l’Etat » hoy ny filoha lefitry misahana ny raharaha ara-barotra eo anivon’ny GEM.

Ireo fahadisoana amin’ny anaran’ny mpifidy no misy ao amin’ny lisitra vonjy maika ho an’ireo olom-pirenena manamarina anarana eny amin’ny Fokontany raha ny fanadihadiana natao androany. Ao amin’ny Fokontany Antanimena, nahitana fihenana 20% ny mpifidy voasoratra anarana oharina tamin’ny lisi-pifidianana ny taona 2022 hoy ny sefo fokontany.

Niverina nanohy fitokonana teo amin’ny torapasika anoloan'ny Auximad ireo mpisehatra amin'ny Tuc Tuc ao Toamasina androany. 3 Andro taorian'ny fetin'ny Paska izay tsy namelana azy ireo hitondra Tuc Tuc hivoaka ny faritra, hitsangatsangana miaraka @ ankohonany.

Mitady hevitra hatrany ny fanjakana ialana amin’ny olana misy ankehitriny. Tao anatin’ny filan-kevitry ny minisitra omaly, ny Rafitra  no lazaina fa olana, mahatonga ny fahasimban’ireo lalana sy tsy nahafahana nanefa ny volan’ireo orinasa mpanao lalana hatrizay.  Miala andraikitra ny fitondrana hoy ny mpitondra tenin’ireo orinasa mpanao lalana androany.