Archives mensuelles: août 2019

Nivoaka tamin'ny fomba ofisialy androany ny fandaharam-potoanan’ i Papa François mandritra ny fitsidihiny an’i Madagasikara. Ny faha-6 ny volana septambra i Papa François no higadona eto Madagasikara. Fitsidihana sy fandaharam-potoana maro samihafa no hotanterahiny mandritra io famangiany an’I Madagasikara io.

Mitentina 144 tapitrisa dolara ny vola hanatanterahana ny tetikasa PACFC na ny Projet d’Aménagement de Corridors et de Facilitation du Commerce. Ankoatran’ny fanamboaran-dalana sy tetezana hanamorana ny fifandraisana eto Madagasikara, fotodrafitrasam-pampandrosoana maro no hapetraka hanatsarana ny sosialim-bahoaka.

Efa voaparitaka manerana ny Nosy ankehitriny ireo laza adina hiatrehan'ny mpianatra ny fanadinana CEPE raha ny fanazavan'ny Minisitry ny fanabeazam-pirenena fampianarana teknika sy fanofanana araka asa androany, nohamafisiny ihany koa fa hivoka amin'ity herinandro ity ny tetiandrom-pampianarana 2019 – 2020.

Tontosa androany ny tatitra ampahibemaso ny fakan-kevitra isam-paritra momba ny fanitsiana ny lalàna hifehy ny serasera eto Madagasikara. Teboka 9 lehibe no nisongadina anatin’izany ka nampidirina avokoa ny fanamarihan’ireo mpisehatra amin’ny gazety sy haino aman-jery nandritra ny atrikasam-paritra.

Androany Alatsinainy faha-5 aogositra no hanaovana ny « Restitution finale » ny volavolam-panitsiana ny lalàna hifehy ny serasera sy ny fifandraisana eto Madagasikara na ny « loi sur la communication médiatisée » rehefa avy nakana ny hevitr’ireo mpisehatra manerana ny Nosy. Fanampim-panazavana.

Nosokafana tamin’ny fomba ofisialy omaly teny Anatirova ny andiany faha-9 ny Hira Gasy Makotrokotroka eto anivon'ny faritra Analamanga. Maro no nanatrika izany. Tanjona rah any fanazavana ny hampiroboroboana ny Hira gasy izay manasongadina an’I Madagasikara.

Hotanterina aminao ato anatin'ny fanadihadiana manaraka ity ny mikasika ny fandaharam-potoanan'ny papa Ray masina, mandritry ny fitsidihany an 'i Madagasikara.

Nosokafana tamin’ny fomba ofisialy tao Antsirabe ny andiany faha-7 ny androm-paritry ny fahasalamana eo anivon’ny faritry Vakinankaratra. Hanomezan-danja manokana ny fahasalamam-bahoaka sy hanomezana tolotra maimai-mpoana hoan’ny vahoaka ao amin’ny faritry Vakinankaratra no tanjona.

Hovitaina mialohan’ny fahatongavan’ny fahavaratra ny ampahany betsaka amin’ny asa fanamboaran-dalana eto An-drenivohtra. Nidina nijery ifotony ireo fanamboaran-dalana maro ireo androany ny minisitry ny fanajariana ny tany, ny toeram-ponenana ary ny asa vaventy. Nisy ny fepetra noraisina entina handrindrana ny asa.

Naneho ny heviny ireo mpampiantra sy ireo ray aman-drenin'ny mpianatra eto anivon'ny faritra Analamanga androany nandritra ny fivorian'izy ireo fa manohana ny fanapahan-kevitra noraisin'ny ministera amin'ny hamerenana ny fandaharam-potoam-pampianarana toy ny teo aloha.