Archives mensuelles: août 2019

Hisy fitsirihana manokana hatao ireo fiara rehetra hitondra ireo mpino Kristianina avy any amin'ny faritra hiakatra eto Antananarivo amin'ny fotoana fandraisana ny Papa François. Ho fisorohana ny loza mety hitranga eny an-dalana no tanjona amin'izany.

Ny firosoana amin'ny fanalavam-potoam-piasan'ny Ben'ny Tanàna manerana ny Nosy no fepetra tokony ho raisin'ny fanjakana, raha ny fanazavana mpahay lalàna nanaovana fanadihadiana, manoloana ny fahataperan'ny fotoam-piasan'ireo Ben'ny Tanàna manerana ny Nosy ny faha-22 Septambra ho avy izao.

Miverina mivangongo indray ny fako eto Antananarivo Renivohitra amin’izao fotoana izao. Maloto ny tanàna, manahy ny hisian'ny fiparitahana aretina vokatr'izany ny olona. Fanampim-panazavana.

Ny Kaominina Antananarivo no tomponandraikitra amin'ny fanadiovana ireo Canal secondaire eto andrenivohitra. Tsy ampy anefa ny fanadiovana ny tatatra sy ny lakan-drano ka mahatonga ny faritra sy ny lalana maro ho feno rano mihandrona amin'izao fotoana.

Ny mpanao gazetin’ny kolo tv/fm Mihanta Randrianaivo no nibata ny amboara tamin’ny fifaninanana catégorie audio-visuel, momba ny VBG na ny violence basées sur le Genre, tafiditra anatin’ny hetsika ho fiadiana ny herisetra ateraky ny fahasamihafana napetraky ny fiarahamonina. Ny mpianatra eo anivon’ny oniversitean’i Toliara kosa no nandresy tamin’ny fifaninana miompana amin’ny lalàna mikasika io lohahevitra io hatrany. Androany no nifarana tamin’ny fomba ofisialy ny hetsika

Ny fanomezan-danja ny fitsinjaram-pahefana no vina apetrakin'ny filohampirenena ankehitriny. Fanatsarana izay entina hampandrosoana an'i Madagasika. Mampiavaka ny famatsiana ara-bola hoan'ny kaominina amin'izao ny fisian'ny "Fond National de péréquation".

Mahaliana ireo mpizahatany tonga eto Madagasikara amin'izao fotoana ny fitsidihana ireo "Canyon". Ho an'ny Parc Ankarafantsika manokana, mitazona ny laharana faharoa amin’ny fitsidihana be indrindra amin'ireo "Cicruit" miisa 08 misy ao an-toerana ny “canyon”.

Ho jerena manokana mandritra ny fivoriana hotontosain’ny Solombavambahoaka amin’ny faha-12 aogositra ho avy izao ny lalàna mifehy ny mpanohitra eto Madagasikara. Tanjona amin’izany ny tsy hisian’ny manjavozavo intsony amin’ny fametrahana ny toerany ny mpanohitra eto Madagasikara, raha ny fanazavan’ny Filohan’ny Antenimierampirenena.

Efa mandeha avokoa ireo milina lehibe fisintoman-drano 5 eto Antananarivo izay nasiana fanavaozanana hiatrehana ny fahavaharatra ho avy. Ny eo anivon’ny APIPA manomboka izao no hitantana azy ireo. Nidina nijery ifotony izany ny minisitry ny fanajariana ny tany, ny toeram-ponenana ary ny asa vaventy androany.

Nahaton'ny prefektoran'Antananarivo ny fanorenana ataon'ny kaominina ao amin'ny Parking tsena Anosibe. Manome 48 ora ny kaominina ireo mpivarotra handravana ireo fanorenana efa nisy hahafahana mamerina amin'ny laoniny ny Parking ary mangataka ny hanaovana fanadihadiana lalina amin'ny mety ho fisian'ny kolikoly.