Archives mensuelles: septembre 2018

Tsy mampiombona ny fifidianana fa fifaninana ka samy manao izay ho afany ny rehetra. Iray volana mahery kely sisa, miseho lany ny fanatsatsoana isankarazany miaro fanapepoana ireo mpomba ny hafa ary ny fiandrasana kendri-tohina. Hanao ahoana tokoa io fifidianana Filohampirenena mialohan’ny fotoana amin’ny faha-7 novambra io ?

Taorian'ny fihaonana teo amin'ny mpitarika ny antoko TIM sy ny filoha mpisolo toerana Rakotovao Rivo. Hamondrona hery ve sa inona no tanjona? Matahotra an'iza amin'ny fifidianana? Ireo no isan'ny mametra-panontaniana ny fiarahamonim-pirenena

Raha ny tatitra azo, nitombo avokoa ny tahan’ny mpifidy amin’ny faritra rehetra eto Madagasikara. Nisy ankilan’izay ny lesoka tamin’ny lisi-pifidianana araka ny Audit nataon’ny OIF na ny Organisation Internationale de la Francophonie, na teo aza ny faneken’izy ireo ny fampiasana ity lisitra ity amin’ny fifidianana ho filohampirenena.

Tsy maintsy manana filohampirenena vaovao I Madgasikara amin’ny faha 25 janoary 2019. Tsy azo atao ny mampihemotra ny fifidianana filohampirenena izay efa fantatra tao anatin’ny 5 taona fa ho tanterahana amin’ity taona ity. Io no nambaran’ny filohan’ny fitsarana avo momba ny lalampanorenana androany taorian’ny atrikasa androany tetsy Antaninarenina niarahana tamin’ny CENI sy ny OIF.

Sekoly maro eto Madagasikara no tsy ahitana efi-trano fianarana, toa ny EPP Mangotroke sy ny EPP Manganimaraha any amin'ny faritra Atsimo Andrefana. Etsy ankilany, "tablettes" aman'aliny no nozarain'ny ministeran'ny fanabeazam-pirenena tao anatin'ny efa-taona. Inona no laharam-pahamehana, fizarana tablettes sa fanamboarana efi-trano fianarana hoy ny ray aman-drenin'ny mpianatra?

Na inona na ahoana no ambara, dia misy zava-mandringa eto amin’ny firenena matoa misy dina mipoitra amin’ny fiatrehana ny fifidianana amin’izao ankatoky ny fiatrehana fifidianana Filohampirenena izao. Efa misy mikotrika zavatra hafahafa tsinjo ve any ho any, no nahatonga ny CFM namolavola dina ifampifehezan’ny samy kandidà sy ireo mpomba azy ?

Trangam-piarahamonina, renim-pianakaviana manodidina ny 29 taona no hita faty nihantona tetsy Ampandranomby Tsarahonenana androany tokony ho tamin’ny 6 ora maraina. Raha ny fanadihadiana natao, tsy nahitana ratra ny tenany ary bola tazana teny an-kodiny avokoa ny vola sy ny firavaka samihafa.

Mihendran-droa ny tady eo amin’ny SASM na ny Société Agricole et Sucrière de madagascar sy ny mpiasan’ny SIRAMA ao Brickaville. Nambaran’ireo mpiasa fa tsy ekena ny fanararaotana sy ny fanapotehana ny orinasa SIRAMA ao Brickaville. Miantso ny tomponandraiki-panjakana isan-tokony hijery akaiky ny raharaha ny mpiasan’ny SIRAMA.

Gaboraraka ny seranampiaramanidina eny Ivato. Valizy 2 feno sokatra no tafavoaka soamantsara tsy nisy arakaraka. Ho entina aminao ato anatin’ity fanadihadiana ity ny sary rehetra manaporofo izany.

Herinandro vitsy mialohan’ny hanombohan’ny fampielezan-kevitra. Araka ny loharanom-baovao mari-pototra, misy minisitera amin’izao fotoana izao ataon’ny mpanao politika fitaovana fakam-bola hamatsiana fampielezan-kevitra kandidà ho Filohampirenena.