Archives mensuelles: septembre 2018
Conseil d’Etat
Nihemotra ho amin’ny Talata ho avy izao indray ny famoahan’ny filakevi-panjakana ny valin’ilay fitorohana na ny requête napetraky ny Kandidà Tabera Randriamanantsoa sy Atoa RALAISEHENO Guy Maxime. Tsy mampihemotra ny daty farany tokony hametrahan’ny filohampirenena fametrampialana io requête io raha ny nambaran’ny mpahay lalàna.
Conseil d’Etat
Nihemotra ny fivoahan’ny valin’ny requête na fitorohana napetraka-na Kandidà filohampirenena teny amin’ny filankevi-panjakana mitaky ny fanafoanana ny fampiantsoana ny mpifidy handatsa-bato. Mazava anefa ny voalazan’ny lalàmpanorenana andininy faha 47 fa ny fahafatesana kandidà ihany no hahafahana manemotra fifidianana.
Arboretum
Mitohy ny asa fanorenana trano ao amin’ny arboretum Ambatobe. Avy aiza ny alalana manoloana ny didim-panjakana nivoaka mandrara izany? Tsy nahazoana fanampim-panazavana ny tomponandraikitra eo anivon’ny sampandraharahan’ny fananantany.
Manovahosoa Moaramanga
Mitohy hatrany ny fanimbana ny ala amin'ny alalan'ny fitrandrahana didin-kazo ao amin'ny kaominina Antaniditra na eo aza ny fampiatoana efa natao. Orinasa vahiny nampidirina amin'ny alalan'ny VOI no manao ny fitrandrahana. Tranga izay efa tsy vaovao intsony amin'ny mpanara-baovao nanomboka ny taona 2015 sy ny resaka Soamahamanina.
Rano Ankadindravola
Tapaka efa ho telo andro ny rano avy amin'ny jirama amin'ny fokontany Ankadindravola sy ao Ambatolampikely. Vokatr'izay, tafakatra hatrany amin'ny 500 Ar ny anakaramana maka rano 1 bidon eny an-toerana. Mitaraina araka izany ireo mponina ary mangataka ny tomponandraikitra hamaha faran'iay hainga ny olana mitranga.
GAB
Raha toa ka fiarovana no tadiavina amin’ny fametrahana ny tahirin’ny mpanjifa any amin’ny banky. Miteraka tsy fifampitokisana ary famitahana olona kosa, hoy ireo mpanjifa ny fomba fiasan’ny banky sasany misy eto amintsika. Misy amin’ireo milina mpamoaka vola no tsy mamoaka vola kanefa mihena ny tahiry ao amin’ny kaonty. Tsy afa-po amin’ny fomba fiasa tahaka izany ireo mpanjifa.
HCC
Namoaka fanampiny amin’ny lalàna fehizoro laharana faha-2018 008 momba ny fifidianana sy ny fitsapakevi-bahoaka ny faha-30 aogositra ny Fitsarana avo momba ny Lalàmpanorenana.
Hiaraka isika
Anisan’ny antoko politika iray mivondrona ao anaty ARMADA nanaja ny teny nifanarahana amin’ny fanolorana kandida tokana amin’ny fifidianana filoham-pirenena ny antoko HIARAKA ISIKA izay tarihin’ny Jeneraly Camille VITAL. Ny faha 30 ny volana Aogositra, nanao fanambarana hanohana ny kandida Andry RAJOELINA ity antoko ity.
OMNIS : ahiana hisy korontana eo anivon’ny orinasa.
Ahiana hisy korontana eo anivon'ny OMNIS amin'izao fotoana noho ny fitsabahana andraikitra ataon'ireo tomponandraikitra sasany. Tsy araka ny fampanantenana nomena no mitranga ary voalaza fa nisy fanodikodinana vola sy fitaovana tao amin’ny orinasa saingy tsy nisy fandraisana fepetra mifandraika amin'izany.