Archives mensuelles: janvier 2021
Fepetra ara-pahasalamana : sarotra ny fanajana ny elanelana 1 metatra eny an-tsena
Fepetra ara-pahasalamana tsy voahaja eny anivon’ireo tsena eto andrenivohitra ankehitriny ny mikasika ny elanelana 1 metatra. Anton’izany ny fahamaroan’ireo olona mivezivezy eny amin’ireny toerana ireny. Eo ihany koa ny fahateren’ny toerana natokana ho an’ireo mpivarotra.
Loholon’i Madagasikara : vonona hametraka ny Politikam-pitsitsiana
Vonona amin’ny mety ho fiovana hahafahana mametraka ny Politikam-pitsitsiana ny Loholon’i Madagasikara hoy ny Filohan’ity andrimpanjakana ity androany. Ho jerena akaiky ary hatao laharam-pahamehana ny vondrom-bahoaka itsinjaram-pahefana ary hisy ny tatitra hatao amin’ny governemanta.
Zébu Overseas Board : manohana ny tantsaha
Maro ireo tantsaha ao amin’ny faritra Vakinankaratra no efa nahazo tombotsoa tamin’ny alalan’ny orinasa tsy miankina iray izay manampy ireo tantsaha amin’ny fividianana omby sy kisoa ary fitaovana toy ny sarety. Tsy amin’ny alalan’ny lelavola no omena azy ireo fa omby avy hatrany no vatsin’ity orinasa ity.
Menabe – Ampanihy : manodidina ny 300 Ha ny velaran-tany ahitana ireo valala efa foy
Manodidina ny 300 Ha amin’ny velaran-tany ao Ampanihy faritra menabe no hahitana ireo valala efa foy ankehitriny raha ny nambaran’ny teo anivon’ny Ivontoeran’ny famongorana ny valala eto Madagasikara. Miisa 3 hatreto ireo faritra nandrenesana fitaraianana momba izany. Efa misy manoloana io ny fandraisana andraikitra amin’ny famonohana ireo valala foy hisorohana ny fihanak’izany ho adihany raha ny fanazavan’ny tomponandraikitra.
TOAMASINA : nisitraka toby famokarana herinaratra mandeha amin’ny masoandro
Hentitra ny Filohan’ny Repoblika, nambarany fa tokony hifanaraka amin’ny kalitaon’ny tolotra omena ny mpanjifa ny vidin-jiro sy rano. Androany , notokanana tao Tanambao Verrerie Toamasina ny toby famokarana herinaratra mandeha amin’ny herin’ny masoandro. Etsy ankilany, tonga androany ao Toamasina ny sambo lehibe andiany voalohany nitondra vary 7 000T nafaran’ny fanjakana, vary tsinjo izay ho amidy amin’ny vidiny mirary.
Fanafarana entana : niakatra avo 2 hatramin’ny 3 heny saram-pitaterana
Firenena maro manerantany no mitondra faisana amin’ny fiakaran’ny vidin’entana amin’izao fotoana izao. Isan’izany ny vidin’ny lafarina, menaka, vary sy ny siramamy sy ny marohafa. Ny fiakaran’ny saram-pitaterana ny entana miainga avy any ivelany no antony hoy ny mpandraharaha. Ny mahakasika ny saram-pitaterana entana izay niakatra avo 2 na 3 eny amin’ny teo aloha.
Fandalovan’ny ELOISE : olona 1 namoy ny ainy, miisa 2 804 ireo traboina hatreto
Olona 1 no namoy ny ainy ary miisa 2 804 hatreto ireo traboina tao aorian’ny fandalovan’ny rivodoza ELOISE raha ny tatitra voaray avy amin’ny teo anivon’ny BNGRC ny atoandro teo. Amin’ny ankapobeny ny faritra Analanjirofo, Maroatsehitra ary manana avaratra ankehitriny no isan’ny voakasiky ny fiakaran’ny rano sy ny fahasimbana raha ny fanazavana.
Homamiadana mpahazo ny vehivavy: 22% ny homamiadan’ny vozon’ny tranon-jaza
20 hatramin’ny 25 % ny vehivavy no voamarina fa tratran’ny homamiadana, ka ny homamiadan’ny vozon’ny tranon-jaza no eo amin’ny laraha faha 2 aorian’ny nono. Manomboka eo amin’ny faha 25 taona hatramin’ny 49 taonan’ny vehivany no mety ho voan’ny homamiadan’ny vozon’ny tranon-jaza raha ny fanazavana.
Besakay Ambatondrazaka : zandary iray novonoina Zazamena
Zandary iray namita iraka no novonoin’ny Zazamena izay milaza ho mitandro filaminana tany Besakay Ambatondrazaka omaly. Nisambotra olona voarohirohy tamina fandripahan’ala ity zandary ity ka rehefa tratrany izany, nisy nikapa tampoka tamin’ny antsy ny lohany. Ankoatra izay, nisy ihany koa ny olontsotra maty voatifitry ny zandary.
Fasan’ny karana : nohamafisina ny fampiharana ireo fepetra ara-pahasalamana
Ho fiarovana amin’ny fiparitahan’ny valan’aretina COVID 19, nohamafisina ny fampiharana ireo fepetra sakana eny amin’ny Toby fihantsonana Fasan’ny karana. Nozaraina 02 ny ora fiaingan’ny fiara ary tsy maintsy mpamily 02 no ao anaty fiara iray raha mihoatry ny 400 Km ny lalana haleha.