Archives mensuelles: août 2018

17 andro mialohan’ny tsy maintsy hametrahan’ny Filohampirenena fialàna dia voaporofo ny nambaran’ny Antoko Malagasy Miara-Miainga fa tsy mahatanty fanoherana ny fitondrana HVM ka tsy nihevitra velively ny hanaraka izay voalazan’ny lalàmpanorenana ny amin’ny toerana tokony hisy ny fanoherana amin’ny fitantanan-drahraham-panjakana.

Teboka isan'ny mampitaraina ny mponina ao Betafo ny tsy fisian'ny fandriampahalemana sy ny tsy fisian'ny sehatra ho an'ny tanora nandritry ny fahatongavan'ny filohan'ny tetezamita teo aloha Andry Rajoelina tany an-toerana ny Alatsinainy faha-20 aogositra teo. Amin'ny alalan'ny vina izay naroson'ity farany na ny IEM no hahafahana mamaha ireo olana samihafa ireo raha ny fanazavana.

Ny lalàna iraisam-pirenena no mametraka ny tokony hisian'ny foiben-toerana fanangonana déchets radioactifs ho an'ny firenena rehetra izay mikirakira ny radioactivité ka hiaraha-miasa amin'ny AIEA na Agence Internationale de l'Energie nucléaires. Tsy hisy ahiana ny fiantraikan'io amin'ny maha déchets azy ary hisy ny fanaraha-maso akaiky hoy ny eo anivon'ny INSTN na Institut National des Sciences et Techniques Nucléaires Madagasikara.

Niverina mandefa fanadaharana herinandro vitsivitsy izay ny Fahitalavitratra sy ny Onjampeo MBS. Mampametram-panontaniana ny maro ilay tranon’ny FJKM etsy Faravohitra izay lasa foiben-toeran’ireto Fahitalavitra sy Onjampeon’ny Filoha teo aloha ireto. Efa namidin’ny FJKM taminy ve sa manofa fotsiny ny MBS ao ?

Tsy misy mihaino ny fahoriana sy ny fahantrana hiainan'ny vahoaka maro hoy ny filohan'ny tetezamita teo aloha Andry Rajoelina tao Analavory ny Sabotsy faha-18 aogositra lasa teo. Tsy ekena intsony, hoy izy ny fijanonan'i Madagasikara ao anatin'ny fahantrana. Mitaraina ihany koa ny mponina nohon'ny faharatsian'ny toeram-pampianarana any an-toerana.

Misy mihevitra mihitsy eto amin’ity firenena ity fa mora manadino sy bado avokoa ny vahoaka Malagasy ka mbola mirehareha sy mihebohebo hiatriaka fitsaram-bahoaka amin’ny alalàn’ny fifidianana ihany. Hinoana fa tsy mila fahantrana hiampy sy hihalalina intsony ny Malagasy fa ampy azy izay 5 taona nitondrany ny mangidy indrindra izay.

Tonga teto Antananarivo ny Alahady tolakandro faha-19 aogositra 2018, teo amin'ny PK 0, manoloana ny Garan’i Soarano, rehefa nitety an'i Madagasikara tamin'ny alalan'ny sarety ny fianakaviana Poussin 4-mianaka. Fitetezana izay naharitra efa-taona ary nahatratra 5 000 km. Noraisin'ny vahoaka sy ny manam-pahefana tetsy Soarano izy ireo ny hariva teo.

Maro amin'ny malagasy no tsy mahalala ny asan'ny menak'osy, tsy vitsy koa anefa no mahafantatra ny asan'izany. Atao inona ny menak'osy? Ny valin'izay no entina aminao anatin'ity fanadihadiana ity.

Raha toa ka efa nisy ivontoeram-panadinana efa namoaka ny valim-panadinana CEPE androany, ivotoeram-panadinana miisa 15 kosa no hanantanteraka famerenam-panadinana ny faha-28 Aogositra izao. Mitohy kosa ny fanadihadiana momba ny antony tsy nahatanteraka ny fanandinana tany amin’ireo ivotoeram-panadinana miisa 15 ireo.

Hatramin’ny 4 ora tolakandro tamin’ny omaly, antontan-taratsy firotsahan-kofidiana miisa 13 no tonga etsy amin’ny foibe toeran’ny HCC etsy Ambohidahy. Nilaza i Rivo Rakotovao Filohan’ny Antenimerandoholonana omaly fa hirotsaka ho kandidà ny Filoha RAJAONARIMAMPIANINA Hery.