Archives mensuelles: septembre 2018

Mitontaly 9 913 599 ny isan’ny mpifidy ofisialy voasoratra anarana ao anatin’ny lisim-pifidianana taorian’ny fampidirana ireo lisitra hadino miisa 23 159 izay neken’ny teo anivon’ny fitsarana.

Tsy fantatra mazava ny vidiny tena izy amin’ny vidin-tsolika eto Madagasikara. Mihoatra amin’ny voalaza ho tokony ho vidiny no anjifana ny solika eny amin’ny mpaninjara ankehitriny. Ny eo anivon’ny OMH anefa izay nilaza fa mbola maherin’ny 300 Ariary ny elanelana amin’ny vidiny tena izy.

Nolavin’ny teo anivon’ny filankevim-panjakana ny fitoriana na ny requête napetraky ny kandidà Randriamanantsoa Tabera sy A/toa Ralaiseheno Guy Maxime. Efa nandrasana ary nanaraka tanteraka ny voalazan’ny lalàna ny conseil d’Etat hoy ny mpahay lalàna nanontaniana. Feno ankehitriny ny fepetra hirosoana amin’ny fifidianana, hoy kosa ny teo anivon’ny CENI manoloana izany.

Tontosa tamin'ny andron’ny omaly teny amin'ny Akany Avoko Ambohidratrimo ny atrik'asa ho fampidirana eo amin'ny sehatry ny fanabeazana ny fampandrosoana lovain-javy, niarahan'ny ANEDD sy ny teo anivon'ny ministeran'ny fampianarana teknika sy ny fampiofanana

Mazava ny volazan’ny lalàna momba ny andraikitry ny Filohampirenena misolo toerana na Filoham-panjakana, hoy ny mpahay lalàna nanaovan’ny mpanao gazetin’ny KOLO TV/FM fanadihadiana ka tsy tokony hampirohirohy saina ny vahoaka.

Cisco miisa 21 no efa namoaka ny voka-panadinana BEPC hatreto manerana an’I Madagasikara. Mbola miandry ny naoty taranja ara-panatanjahantena kosa ny fivoahan’ny vokatra ho an’ny cisco eto amin’ny faritra Analamanga. Amin’ny ankapobeny, saika nahitam-piakarana avokoa ny taham-pahafana tamin’ity taona ity ho an’ireo efa nivaly.

Afaka mandray ny andrikitry ny filoha amin'ny maha filoha mpisolo toerana azy ny filoha Rivo RAKOTOVAO, saingy misy andinin-dalana maromaro mametra ireo tsy azony atao, araka ny fanapahana navoaky ny HCC, mitondra ny laharana fah 7-HCC/AV ny faha 7 ny volana Septambra 2018. Ny Filoha voafidim-bahoaka ihany no afaka mampihatra ireo andinin-dalàna maromaro ireo.

Efa miroso amin'ny fitrandrahana monazite ny orinasa Qmm raha ny fanambarana navoakan'ny fiarahamonim-pirenena izay nanantanteraka fanadihadiana tany Taolagnaro. Efa niroso tamin'ny fanondranana ity orinasa ity, hoy ny solombavambahoakan'i Madagasikara voafidy tany an-toerana.

Tsy mitsaha-mitotongana ny orinasa Malagasy Kraoma amin'izao fotoana. Taorian'ny Air Madagascar sy ny Jirama, ny Kraoma indray izao no voalaza misedra olana goavana. Misy fifandraisany amin'ny Politika sy ny dian'ny filoha teo aloha tany Rosia ve izany ?

Miverina mitsikafona ary voaporofo fa mandainga ny filohampirenena teo aloha raha nilaza tany Iavoloha fa tsy tany Anjozorobe ny zanany izay voasaringotra tamina raharaha fahafatesana mpitrandraka madinika iray teny amin'ny kariera teny Anjozorobe. Ankilany, mbola mitohy mandraka ankehitriny ny fitrandrahana ataon'ny ekipan'izy ireo eny an-toerana.