Archives mensuelles: novembre 2018

Nambaran'ny solontena maharitry ny PNUD eto Madagasikara, KAKYOMYA Violette fa tsy nanome fankatoavana ilay logiciel nampiasain'ny Ceni ny PNUD. Voafetra amin'ny fanampiana ara-teknika sy ara-bola ihany ny andraikitr'izy ireo.

Taorian'ny fanadihadiana nataon'ny Bianco an'i Mbola Rajaonah ny Alatsinainy faha-19 novambra sy ny Talata faha-20 novambra lasa teo dia nosavaina ny tranony omlay. Tsy nisy nipiaka ny resaka hatreto ary tsy nanome fanazavana ny avy amin'ny Bianco.

Manjaka eto Antananarivo renivohitra ny fanorenana tsy ara-dalàna. Miorina eraky ny trottoir ny toerana natokana ho an’ny mpandeha an-tongotra ny trano isan-karazany. Raha ny fanadihadiana natao, ny kaominina Antananarivo renivohitra no manome alalana an’ireo fanorenana tsy ara-dalàna ireo.

Tsy nisy nifidy ary tsy nahazo ny salan'isa 8 % ny HVM tao Ambovombe Androy raha tsy nisy ny fanerena sy ny fanambazana vola nataon'ny Solombavambahoaka Milavonjy Philobert tany an-toerana. Ireto farany izay nanantena fa hahazo salan'isa ambony ny HVM amin'ny maha teo amin'ny fitondrana azy.

Ny ampahany amin'ny zava-nitranga tao amin'ny Kaominina Jafaro nandritra ny fifidianana ho hiloham-pirenena, ny faha 7 ny volana Novambra lasa teo no harahinao ato anatin'ity fanadihadiana manaraka ity. Ny Kaominina Jafaro izay nahitana fanambazana vola sy hala-bato goavana niainga avy any amin'ny lisi-pifidianana.

Taratasy fitoriana mpitondra ambony miisa 3 ( Filohampirenena teo aloha miisa 2 sy Praiminisitra teo aloha iray) avy amin’ny HCJ na Haute Cour de justice no tonga eny amin’ny birao maharitry ny Antenimierampirenena, antony izay tsy maintsy nananganana ny « Commission d’enquêtes » sy « Commission de requêtes » afak’omaly.

Ny tsy fanaovana ny vakisiny eo amin’ny faha 9 volan’ny zaza iray. Antony voalohany mamparefo azy ary ahazoany ny aretina kitrotro. Nanamafy androany ny mpitsabo fa ireo rehetra efa vita vakisiny dia tsy tokony ho voan’ny kitrotro intsony . Tsy fantatra mazava hatreto ny isan’ireo matin’ny kitrotro raha ny fanadihadiana natao teny amin’ny minisiteran’ny fahasalamana.

Ahiana ho misy ambadika hafa ny fikasana hampodiana ireo mpiasan’ny ambasady Malagasy any ivelany miisa 60, araka ny fanehoan-kevitry ny manampahaizana momban’ny fifandraisana iraisam-pirenena. Afaka mitsipaka io mandritry ny filankevitry ny minisitra ny praiminisitra.

Noterena hifidy HVM ny mponina amin'ny Kaominina maro tao Ambovombe Androy. Ny Solombavambahoaka Milavonjy Philobert no nitety Birao fandatsaham-bato araka izay tratra ka nizara vola sy nanery azy ireo hifidy ny kandida laharana faha 12 nandritra ny fifidianana ny faha 7 ny volana Novambra lasa teo. Nijoro vavolombelona ny mponina any an-toerana mitantara ny zava-niseho.

Ny ben’ny tanàna amperinasa no filohan’ny filakevim-pitantan’ny samva. Ny samva izay miandraikitra ny fanalana ny fako eto Antananarivo renivohitra. Fanadiovan-tena sy fialana andraikitra araka izany no ataon’ny ben’ny tanàna, sy ny eo anivon’ny samva izay samy avy amin’ny antoko politika iray.