Archives mensuelles: janvier 2019

Ahiana ny hiparitahan'ny valan'aretina eny amin'ny faritra iva amin'izao fotoana taorian'ny rotsak'orana nisesy teto Antananarivo. Mbola hitohy ny fiavian'ny orana ato anatin'ny 3 andro, hoy ny vinavinan'ny sampana mpamatatra ny toetry ny andro.

Mampitaraina ny mponin’Ivato ny tsy fanajana ny bokin’andraikitra sy ny fihodinana an-dalana ataon’ny Zotra D. Isany miray tendro amin’ny mpitaitra amin’izay kolikoly izay ny mpitandro ny filaminana raha ny fitarainana. Iharan’ny lalàna ary mahavoasazy izan,y hoy ny tale jeneralin’ny ATT androany.

Mitohy ny fiarahabana sy fankasitrahana ataon’ireo ankolafikery samihafa, tamin’ny fanantontosana am-pilaminana ny fifidianana Filohampirenena teo iny sy ny fandresen’ny Filoha Andry Rajoelina . Isan’ny niarahaba ny fandreseny ny Mpanjakan’i Maroc Mohammed VI sy ny COI na ny Commission de l’océan Indien.

Eo amin'ny laharana faha 16 amin'ireo firenena 50 mandala ny demokrasia aty Afrika i Madagasikara. Ilaina ny fametrahana ny demokrasia tanteraka indrindra fa eo amin'ny lafin'ny fifidianana. Ny fanabeazana ny olompirenena hahalala ny tena demokrasia no hahafantsika miakatra ambonimbony kokoa amin'io laharana io, raha ny fanazavan’ny mpahay fifandraisana iraisam-pirenena iray nanaovana fanadihadiana.  

Vita iny ny fifidianana. Lany hitondra ny firenena Malagasy mandritra ny 5 taona manaraka i RAJOELINA Andry taorian’ny nandanian’ny mpifidy Malagasy azy tamin’ny 55,66%n’ireo vato nanankery. Ny asa amin’izay no hirosoana ho amin’ny fanatontosana ireo vina sy velirano nifanaovana tamin’ny vahoaka Malagasy. Fanadihadiana : RAHARISON Andry

Vonona ny hametraka endrika sy fomba fijery vaovao mahakasika ny fanaovana politika eto Madagasikara ny filohampirenena Andry RAJOELINA nandritra ny fandraisam-pitenenana voalohany nataony omaly. Namafisiny hatrany fa hipetraka ho filohan’ny vahoaka Malagasy tsy ankanavaka ny tenany ary ny hitondra ny tena fampandrosoana ho an’i Madagasikara. Nametraka ny fisaorana ho an’ireo rafi-panjakana nikarakarana ny fifidianana sy ny vahoaka Malagasy tsy vaky vlo ihany koa ny filohampirenena Andry Nirina RAJOELINA.

Miaina ao anatin’ny vanim-potoanan’ny fahavaratra isika izao. Maro ny loza mety hateraky ny rotsak’orana anisan’izany ny fihotsahan’ny tany eny amin’ny faritra avo indrindra ny fiakaran’ny rano eny amin’ireo faritra iva. Efa miomana sy mivonona ny amin’ny loza mety hitranga ny tompon’andraikitra mahakasika izany.

Feo iray, ny fanekena ny voka-pifidianana sy ny fampandrosoana ny firenena no andrasan’ny vahoaka Malagasy ankehitriny taorian’ny didim-pitsarana navoakan’ny HCC omaly. Ho an’ny eo anivon’ny CENI kosa, ny fanatsarana hatrany ny fikarakarana ny fifidianana manaraka no tokony ho atao laharampahamehana.

Tsy tonga namaly ny convoncation avy amin'ny enquête mixte ny kandidà Fanirisoa Ernaivo tamin'ity androany ity. Tonga teny an-toerana ary nanaovana fanadihadiana ny minisitry ny serasera teo aloha Harry Laurent Rahajason, Mbola Rajaonah ary Fidèle Razara Pierre. Raha ny fanadihadiana natao, tohin'ny fitoriana napetraky ny fiadidian'ny primatiora no antony nampanantsoina azy ireo.

Samy naneho ny heviny manoloana ny voka-pifidianana ofisialy navoakan’ny fitsarana avo momba ny lalampanorenana ireo nanatrika izany teny amin’ny HCC io hariva io. Mitodika tanteraka amin’ny hoavin’I Madagasikara ary miandrandra fanmpandrosoana amin’ny ankapobeany ny rehetra. Fanadihadiana.