Archives mensuelles: mai 2018

Tao anatin'ny ora iray no nampahafatarin'ny vahoaka ny marariny izay iainany isanandro omaly. Tamin'ny alalan'ny kiririoka , klaxon , sifflet ary ny fanampoahina sarombilany no nanehoana izany. Mijaly ny vahoaka ary mila fiovana hoy ny fanazavana .

Namaly ny fampiantsoana nataon'ny sampandraharaha mpanao fanadihadiana teny amin'ny Toby Ratsimandrava omaly i Hery RASOAMARIMAKA sekretera nasionalin'ny TGV. Tsy mitombina ny fitoriana izay napetraky ny loholona Olivier Rakotovazaha tamin'io tomponandraikitry ny TGV iray io raha ny fanazavana.  

Mampametram-panontaniana ny maro ny mbola tsy namoahan’ny Fitsarana Avo momba ny Lalàmpanorenana hatramin’ny anio, ny fanapahana amin’ny fahitany ny tsy nananganan’ny Filohampirenena ny Fitsarana Avo na ny “Haute Cour de Justice”, 12 volana taorian’ny nanaovany fianianana araka ny andiany faha-167 amin’ny Lalàmpanorenana.

Taorian'ny sit-in nataon'ireo solombavambahoa ho an'ny fanovana teny amin'ny fitsarana avo momba ny lalampanorenana ny maraina dia niverina teny amin'ny 13 mai izy ireo nitondra ny tatitra . Hiakatra ny maripana amin'ny hetsika ary hisy ny fitoriana ny filohampirenena , ny praiminisitra , ny minisitra maro ho apetrak'izy ireo eny amin'ny fitsarana.

Fomba fanaon'ny mpitondra ankehitriny ny manilika ny tsy fandehanan-draharaha eto amin'ny firenena rehetra amin'ny fitantanana nandritra ny tetezamita. Tsy misy ny vahaolana mazava aroson'ny mpitondra amin'ny olana iainan'ny vahoaka amin'ny sehatra maro. Ireo tomponandraikitra nandritra ny tetezamita ihany anefa no mbola hita miara-mitantana amin'ny mpitondra ankehitriny.

Iray volana nitolomana, efa akaiky ny fandresen'ny tolon'ny fanovana. Miandry fatratra ny didy avoakan'ny fitsarana avo momban'ny lalam-panorenana ny rehetra. Raha toa ka niato ny hetsika tamin'ny fetin'ny pentekosta, nitohy izany androany ary tsy hiato intsony mandra-pialan'i Hery Rajaonarimampianina eo amin'ny fitondrana.

Teratany afrikanina roalahy no tratehaky ny polisim-pirenena tao amin'ny 1ère arrondissement omaly saika hanapoka Cocktail molotov teny an-toerana. Loharanom-baovao azo avy amin'olona tsotra no nahatratrarana izy roalahy ireto raha ny fanazavana.

Hanolotra daty mazava hahafahana manatanteraka ny fifidianana ny CENI aorian'ny faha 13 jiona ho avy izao, raha tsy misy fifanarahana Politika. Na izany aza, tsy tokony hiala amin'ny voasoratra ao anaty lalam-panorenana isika raha ny fanazavana.

Taorian'ny fampiantsoan'ny STAFF Technique teo anivon'ny ministeran'ny asam-panjakana na ny Fop, nanao fanambarana ny SYNAD na ny Syndicat National des Administrateurs Civils fa tsy ankasitrahan'izy ireo ny fanaovana tsinontsinona ny administrateurs civils.

Ho tanterahana ny faha 31 Mai ka hatramin'ny faha 3 ny volana Jona izao ao amin'ny Village VOARA ny salon ITM 2018, na ny ny International Tourism Fair Madagascar; izay hetsika ara-kolotoraly sy ara-pizahantany. Tanjona amin'izany ny hampitomboana ny mpizahantany tonga eto Madagasikara. Natao omaly ny fanaovan-tsonia ny fifanarahafa fiarahamiasa tamin'ny mpiara miasa sy mpanohana rehetra.