Archives mensuelles: janvier 2019

Hahitana taratra ny maha iray tsy mivaky an’i Madagasikara sy ny vahoaka malagasy ny endriky ny goverenemanta ankehitriny. Izay no fanehoankevitr’ireo mpisehatra sednra ny mpanao gazety. Azo antoka fa anatin’ny fotoana vitsy dia ho hita taratra ny fandrosoan’ny firenena manaraka izay fotoana nifanarahana tamin’ireo minisitra. Ny fampandrosoana no vokatra andrasan’ny vahoaka amin’izy ireo hoy ny parlemanta nanoavana fanadihadiana.

Tahaka ny hita nanomboka ny alatsinainy lasa teo, mihazakazaka ny toe-draharaha eto amin'ny firenena. Asa ary asa avy hatrany no ilaina hoy ny filoham-pirenena. Araka izany, minisitera maromaro no nanatanteraka ny famindram-pahefana androany. Ireo minisitera tsirairay avy izay samy manana ny laharam-pahamehana araka ny nanirahana azy avy. Ato anatin'ity fanadihadiana manaraka ity no hanarahanao ny ampahany tamin'izany.

Hanomboka ny asa, ary tena hiasa sy ho porofoina amin ‘ny alalan’ny asa. Raha tsorina , ny asa vita no hifampitsarana . Izay ny ambetitenin’ny Minisitry ny fanajariana ny tany, ny toeramponenana sy ny asa vaventy androany ,nandritry ny fifamindram-pahefana teo aminy sy ireo minisitra teo aloha.

Nisesisesy ny trangana fanondranana rongony tamin'iny taona 2018 teo iny raha ny tatitra avy teo anivon'ny fadin-tseranana. Nahatratra 60 kg kosa ireo rongony tratra. Manoloana io nametraka paikady '' sisin-tany SMART " ity sehatra ity ho fanatsarana ny fomba fiasa.

« Régie d’avance unique et exceptionnelle » mihoatra ny 4 miliara ariary no voasonian’ny minisitry ny vola sy ny tetibola teo aloha. Famoahambola mihoatra lavitra ny 15 tapitrisa ariary izay tetibola be indrindra voafaritry ny didy azo alaina. Tsy fantatra ihany koa ny fomba nahazoana izany.

Maherin’ny 50 ireo mpanolotsaina teo anivon’ny fiadidiana ny repoblika voatsoaka omaly alina. Ireo minisitra tsy nahazo toerana intsony taorian’ny fanoloana azy no ankamaroany. Indrindra ireo niara-niasa tamin’ny filoha teo aloha sy ny fitondrana HVM.

Tokony hampitomboana 4-bolana farafahakeliny ny fe-potoana fiantsoana ny mpifidy. Izay no anisan’ny tolokevitra navoitran’ny CENI nandritra ny fanaovana tomban’ezaka sy tatitry ny fikarakana ny fifidianana filohampirenena farany teo. Teboka maro ihany koa ankoatra izay no liana fanatsarana.

Voatendry ny hariva teo teny amin’ny alapam-panjakana Iavoloha ireo minisitra handrafitra ny governemanta NTSAY Christian. Telo andro taorian’ny nanendrena ny praiminisitra. Teknisiana, mpandraharaha, mpanao politika, manam-boninahitra no hiara-hisalahy anatin’ny fanatanterahana ny velirano 13 anatin’ny IEM.

Nitombo hery ary lasa Tempête Tropicale Modérée ilay rivodoza mitondra ny anarana hoe EKETSANG. Faritra maro manoloana io no mahazo filazana loza.

Niakatra 16 ireo mpitandro ny filaminana lavon'ny dahalo tamin'iny taona 2018 lasa teo raha ny tatitra teo anivon’ny zandarimariam-pirenena. Niakatra ny kalitaon'ny fitaovana nampiasain'ireo jiolahy ireo ary nitombo ihany koa ny herisetra raha ny tatitra hatrany.